මහරජ අජාසත්

                           මායා රූ පෙළ චලනය වෙයි

සෑම මොහොතක්ම අතීතයට එක්වෙයි. විටෙක වර්තමානයට වඩා තදින් අතීතය අපිට ආමන්ත‍්‍රණය කරන්නේ ය. එදා ආශාවෙන් පැතූ බොහෝ දෑ, අද අතීතයට එක් වී ඇත. පුස්කොල පොත් මත නිදන් වූ අතීත සිතුවම් පාඨ කාවන් ගේ ආහර වී ඇත. නමුත් මෑත කාලීනව මේ සිතුවම් චලනය කරවීමේ දැවැන්ත ප‍්‍රයත්නයකට සිනමා කරුවන් කිහිපදෙනෙක් සමත් විය. අබා, කුස පබා, විජය කුවේණි, සිරි දළදාගමනය, මහින්දාගමනය, මහරජ ගැමුණු, අනගාරික ධර්මපාල, සිරිපැරකුම්,සිද්ධාර්ථ ගෞතම මෑත කාලීනව විටින් විට ලක් ඉතිහාසය සිනමාවෙන් චිත‍්‍රණය කළ අවස්ථාවන් ය. චිත්තාකර්ෂණීය ලෙස විටෙක ඓතිහාසික කථා රැුල්ල ඉතිහාසය විනාශ කිරීමක් ලෙසත්, එය අපේ සංස්කෘතික උරුමයන් අමු අමුවේ පටු පරමාර්ථ සාධනය උදෙසා විනාශ කළ බවට චෝදනා එල්ල විය. කාලය එසේ ගතවෙද්දී නිහතමානී එක් අපූරු මිනිසෙක් පෙර කී ඓතිහාසික කථා රැුල්ලේ සුවිසෙස් උරුමයන් කිහිපයක හිමිකරුවෙක් මෙන් ම භාරකරුවෙක් බවට පත් වෙයි. ඒ අතීතයේ බිතු සිතුවම් චලනය කර පෙන් වීමකි. සිනමාව යනු නව නිර්මාණයකි. ඒ නිර්මාණයේ නිර්මාණාත්මක ගුණය එහි රසයට බලපාන්නේය. එහි රසය පේ‍්‍රක්ෂකත්වයට බලපාන්නනේය. එහි පේ‍්‍රක්ෂකත්වය එහි සාර්ථකත්වයට බලපාන්නේ ය.  මහරජ අජාසත්ත මේ සිනමාගමනයේ නවමු ඇරයුමකි.

මේ මහරජ අජාසත් සිනමා නිර්මාණය පිළිබද එහි අධ්‍යක්ෂ සනත් අබේසකරයන් හා එහි දේවදත්ත චරිතය නිරූපණය කරන පාලිත සිල්වා සමග සිදු කළ සංවාද සටහනයි.

අතීත සිදුවීම් තුළින් වර්තමානයට 

ආමන්ත‍්‍රණය කිරීමක් 

සනත් අබේසේකර 

රංගන ශිල්පියෙක්, පුවත්පත් කලාවේදියෙක් වූ ඔබ සිනමා අධ්‍යක්ෂකයෙකුගේ භූමිකාව භාරගත්තේ කොහොම ද? 

මම කලා ක්ෂේත‍්‍රයට ඒමට පෙර වේදිකා නාට්‍ය කරන අවදියේ සිටම සිනමාව පිළිබඳ හැදෑරීමක් කළා. මම මුලින්ම රූපවාහිනිය පිළිබඳ හැදෑරීමක් කළා. ඒ කතෝලික සංගමය ම`ගින් මෙහෙයවන ලද සිනමා හා රූපවාහානී පාඨමාලාව. නමුත් සිනමාවට ප‍්‍රවිෂ්ඨ වීමට තරම් මට අත්දැකීම් තිබුණේ නෑ. ඉන් පසු මම ටෙලි නාට්‍ය ක්ෂේත‍්‍රයට දායක වුණා. මේ වන විට ටෙලි නාට්‍ය 32ක, තිර රචනයෙන් හා අධ්‍යක්ෂණයෙන් දායක වෙලා තියෙනවා. ඊට පස්සෙ තමයි මම සිනමා ක්ෂේත‍්‍රයට ප‍්‍රවිෂ්ඨ වෙන්නේ. 

ශී‍්‍ර ලංකාව බෞද්ධ රටක්. බුදු පහසින් පිදුම් ලද, සර්වඥ ධාතූන් වහන්සේලා වැඩවසන පිංබිමක්. ඉතින් මේ බෞද්ධ රටේ නිර්මාණය වන සිනමා නිර්මාණ තුළ යම් අඩුවක් දැක්කා.  ඒ තමයි මේ පිංබිම වෙනුවෙන්, අපේ බුදු හාමුදුරුවෝ වෙනුවෙන් සිනමා නිර්මාණයක් බිහි නොවීම. අපේ බුදු හාමුදුරුවෝ වෙනුවෙන් නිර්මාණ කළ යුතු බව සිතා මම ලොකු කැපවීමක් කළා. මහින්දාගමනය තිර පිටපත ලියන්න මම 67 වතාවක් කළුතර හා සුමන සමාධිය අසල සිල් සමාදන් වුණා. මම තිර රචනය සිදු කරන්න බුද්ධ ශක්තියේ වරම් ඉල්ලූවා. සත්තකින්ම මහින්දාගමනය තිර පිටපත ලියවුණේ ඒ භාවනාවෙන්. පසුව ආශ්චර්යකින් වගේ මහා සංඝරත්නයේ ආදාරය හා උපකාරය නොමදව ලැබුණා. පුරා විද්‍යා චක‍්‍රවර්ති එල්ලාවල මේධානන්ද හිමියන්, රුවන්වැලි සෑ නායක පල්ලේගම හේමරතන හිමියන්, උඩුවේ ධම්මාලෝක හිමියන් ගේ මෙන්ම තවත් බොහෝ ස්වාමින් වහන්සේලාගේ ආශිර්වාදය මගේ සිනමා නිර්මාණයන්ට විශාල පිටුවහලක් වුණා. 

ඓතිහාසික කතා අතර මහරජ අජාසත්ත නිර්මාණයට පදනම වැටෙන්නේ කොහොම ද?

ඇත්තෙන්ම මම, මහින්දාගමනය, සිරිදළදාගමනය, අනගාරික ධර්මපාල වැනි නිර්මාණ සිදු කළේ අප මහා බුදුරජාණන් වහන්සේ වෙනුවෙන්. නමුත් මම මහරජ අජාසත් සිනමා නිර්මාණය සිදු කරන්නේ මෙය අද සමාජයට හොඳින් ගැලපෙන නිසා. අද දවසේ දෙමාපිය ¥ දරු සම්බන්ධය මෙන්ම පිය පුතු බැඳීම් යම් තර්ජනයන්ට ලක් වූ අවස්ථාවන් විටින් විට හමු වුණා. බුදු රජාණන් වහන්සේ වැඩසිටි සමයේත් මේ දේවල් මේ ආකාරයටම සිද්ධ වුණා. අදත් එහෙමමයි. අනාගතයේදීත් මේ දේවල් මේ ආකාරයටම සිද්ධ වෙයි. ඒ හේතුව නිසා තමයි අතීත සිදුවීම් තුළින් වර්තමානයට ආමන්ත‍්‍රණය කිරීමක් ලෙස මහරජ අජාසත් සිනමා නිර්මාණය සිදු කරන්නේ.

නිර්මාණාත්මක බව, අජාසත්ත සිනමා නිර්මාණය තුළ ඔබේ සෙසු සිනමා නිර්මාණවලට වඩා පවතින්නේය යනුවෙන් පැවසුවොත් ඔබ ඊට එකග ද?

මම මගේ නිර්මාණ හතරෙන්ම තෘප්තිමත්. මම හිතනවා මම ඒ නිර්මාණ තුළින් පේ‍්‍රක්ෂකයා තුළ යම් ශ‍්‍රද්ධාවක් ඇති කළාය කියලා. මහා සිනමාකරුවෙක් වන සත්‍යජිත් රායි ප‍්‍රකාශ කළේ, ”සිනමාකරුවෙකුට පේ‍්‍රක්ෂකයා සිනමා ශාලාවට ගෙනැවිත් හැ`ඩවිය හැකිනම්, ඔහු අති දක්ෂ සිනමාකරුවෙක්.” ඇත්තටම මම ඔහුගේ ප‍්‍රකාශයට එක`ග වුණා. සිනමා නිර්මාණය තුළින් මම පේ‍්‍රක්ෂකයා ශ‍්‍රද්ධාවට පත් කළා. ඔවුන් සංවේගයට පත් කළා. මම හිතනවා මම සාර්ථකයි කියලා.

රංගන ශිල්පීන්ගේ දායකත්වය ඔබට ලැබුනේ කෙසේ ද?

ඇත්තෙන්ම ඔවුන්ගෙන් ලැබුණු දායකත්වය අති විශිෂ්ටයි.

ඓතිහාසික කතා ඉදිරිපත් කිරීමේදී ඔබ සැලකිලිමත් වූයේ, ඉතිහාසය ප‍්‍රතිනිර්මාණයක්. එය ඉතා සාර්ථකයි. නමුත්  ඉන් එහා ගිය සමාජ ආර්ථික දේශපාලන යථාර්ථයක් මින් නිරූපණයට ම`ග පෑදිමක් පිළිබඳ ඔබ සිතුවේ නැද්ද?

ඇත්තටම මගේ සිනමා නිර්මාණයන් ගේ අරමුණ මිනිසා ආනන්දයෙන් ප‍්‍රඥාවට පත් කිරීමයි. මම ගොඩාක් දේවල් මගේ නිර්මාණයෙන් ගෙන ඒමට අපේක්ෂා කරන්නේ නෑ. මගේ නිර්මාණවල එකම අරමුණ මගේ බුදු හාමුදුරුවෝ. මම මගේ බුදු හාමුදුරුවන්ගේ දේශනා කළ සද්ධර්මය ගැන හොදින් තේරුම්ගත් කෙනෙක්. මිනිස්සු  ජීවත් වෙද්දි පව් කරන්න බයයි. සිනමාව, සංගීතය, සංදර්ශන වැනි අවස්ථාවලදී අනන්ත අප‍්‍රමාණ ලෙස පව් සිදු වීමට ඇති අවස්ථා වැඩියි. මගේ නිර්මාණ හතරෙහිම මම අපාගත වීමට වැඩ කරලා නෑ. මගේ නළු නිලියන්ට අපාගත වීමට වැඩ සිදුකරලා නෑ.

මහරජ අජාසත්

කාලෝචිත නිර්මාණයක්

පාලිත සිල්වා

සනත් අබේසේකර මහතා සමග සිනමා නිර්මාණයන්හි කටයුතු කළ පළමු අවස්ථාව නොවේ. අධ්‍යක්ෂකවරයෙක් ලෙස ඔහුගෙන් ලද දායකත්වය 

කෙබදු ද?

ඇත්තටම ඔහු සම්පූර්ණයෙන්ම අපිට නිදහස ලබා දුන්නා. මුලින්ම ඔහුට අවශ්‍යකරන දේ අපිට පැහැදිලි කරලා දෙනවා. ඔහු ගේ මෙහෙයවීම මෙන්ම නළු නිළියන්ට ලබා දෙන නිදහස රංගනය සාර්ථක කර ගැනීමට බලපානවා.

මහරජ අජාසත්ත නිර්මාණය පිළිබද ඔබට හැෙගන්නේ කුමක් ද?

කාලෝචිත නිර්මාණයක්. එදිරිවීර සරච්චන්ද්‍ර මහත්තයා ගේ නිර්මාණයන්ගේ පවතින්නේත් සිංහල බෞද්ධ පසුබිමක්. එම නිර්මාණ තමයි පසු කාලීන සම්භාව්‍ය නිර්මාණ බවට පත් වෙන්නේ. 

මහරජ අජාසත් මීට පෙර සිනමාවට නැගුනා. ඒ කළු සුදු නිර්මාණයක් ලෙසයි. වර්ණ මාධ්‍යයෙන් සිදු කිරීමේ යම් වටිනාකමක් තියෙනවා. ඒ විතරක් නෙමෙයි ඩිජිටල් මාධ්‍ය තුළින් පෙරට වඩා ප‍්‍රකාශන හැකියාව ප‍්‍රබල වෙලා තියෙනවා. මහරජ අජාසත් සිනමා නිර්මාණයේ එන ගල් පෙරළන දර්ශන, පොළව පළාගෙන යාම්, ඉන්ද්‍රජාලික සිදුවීම් ඉතා චිත්තාකර්ෂණීය ලෙස ගෙන ඒමට හැකි වුණා. මට හැෙගන ආකාරයට ජාතක කතාව කියවන විට පාඨක සිතේ මැවෙන සිදුවීම් මේ සිනමා නිර්මාණය තුළින් පේ‍්‍රක්ෂක නෙත් මානයට ගෙන ඒමට හැකි වී තියෙනවා.  

සෙසු චරිත අතර, මහරජ අජාසත්ත සිනමා නිර්මාණය තුළ දෙව්දත් තෙරුන්ගේ රංගනය හැදෑරීමකින් අනතුරුව සිදුවිය යුත්තක්. ඔබ එහි දී සාර්ථකයි. ඒ සදහා ඔබ සිදු කළේ කුමක් ද?

ඇත්තෙන්ම මෙම සිනමා නිර්මාණය ගැන සනත් මුලින්ම මට කතා කරන විට මට ඒ ආරාධනාව ප‍්‍රතික්ෂේප කරන්න සිදු වුණා. ඒ මට විදෙස් රටක යෙදී තිබුණු රූගත කිරිමක් හේතුවෙන්. ඒ හේතුවෙන්, මේ චරිතය [දෙව්දත් තෙරුන්] සිදු කිරීමට සහෝදර ශිල්පීන් කිහිපදෙනෙකුට ආරාධනා කලා. ඔවුන් තුළ යම් බිය වීමක් දක්නට ලැබුණා. නමුත් පසුව එම ගමන ප‍්‍රමාද වීම හේතුවෙන් මම මේ නිර්මාණය භාර ගත්තා. 

ඇත්තටම ඔහුගේ තිර නාටක තුළින් මා දුටු දේ තමයි, දේවදත්ත චරිතය විවිධ හැගීම් පරාසයන් තුළින් ඉදිරියට ගමන් කරන චරිතයක් බව. මේ හේතුවෙන් දේවදත්ත චරිතය ර`ගපෑමට ක‍්‍රමවේදයක් සොයා ගැනීමට සිදු වුණා. එය සිනමා රසිකයන්ට දැනෙන ආකාරයේ රංගනයක් විය යුතුයි. එනම් මෙහිදී Method Acting එහෙමත් නැත්නම් යම් විධි ක‍්‍රමයක් භාවිත කළ යුතු වුණා. නරක චරිත හෝ හොද චරිත අපි ඒ චරිතයට ආදරය දැක්විය යුතුයි.  මම විශ්වාස කරන දේ තමයි චරිතය කුමක් වුවත් එයට ආදරයෙන් හොද කැපවීමකින් කළ යුතු බව.

දෙ ඇස

පුරුෂයා, ගෘහ මූලිකයා, පුරුෂාධිපත්‍ය සැබැවින්ම මේ කුමක්ද? ස්තී‍්‍රත්වය හෙවත් ස්තී‍්‍ර සැබැවින්ම කවුරුන්ද? ඉතා සුළු ඉඩකදි වුවද සැළෙන හදවතක් ඇති, සියුම්, බොලඳ, මෘදු වස්තුවක් ලෙස සලකන ඇය හුදෙක් පිරිමින්ගේ ජීවන තෘප්තිය වෙනුවෙන් තම සේවා සපයන සේවිකාවන්ද? එසේත් නැත්නම් දර්ශනයෙන් සිත දුෂණවන, ස්පර්ෂයෙන් ධනය විනාශවන, සයනයෙන් මරණය හිමිවන කාන්තාව ඇත්ත වශයෙන්ම රකුසියක්ද? ස්ති‍්‍රය හා පුරුෂයා එකිනෙකට සමාන්තරව පිහිටා ඇත්තක් වුවුද මෙහි දිශානතීන් සංස්කෘතිය හා සදාචාරය විසින් උඩු යටිකුරු කොට ඇත. 

දේශපාන වේදිකාවේ කාන්තාවන්ට 25%ක නියෝජනයක් අවශ්‍යව ඇත. විවිධ කාන්තා සංවිධාන මේ වෙනුවෙන් හඩ නැගීම සිදුවෙමින් පවති. කාන්තා සංවිධානයක් වන Mothers and Doughters of Lanka සංවිධානය දේශපාලනයේ කාන්තා නියෝජනය 25%ක් දක්වා වැඩි කරන ලෙස ඉල්ලමින් පෝස්ටර් ව්‍යාපාරයක් දියත් කර ඇත. ”කාන්තාව දේශපාලනයට ඇලජික්ද?”,”දේශපාලනය කාන්තාවට ඇලජික්ද?” යනුවෙන් නිදහස උදෙසා කාන්තාවන්ගේ සැමරුම් සංවිධානය තම පෝස්ටර් හි දක්වා ඇත. 

සැබැවින්ම මේ කුමක්ද? සිදුවිය යුත්තේ කුමක්ද? මේ ඇය හා ඔහු , ඇය හා ඔහු දකින ආකාරය ඇය හා ඔහු ගේ ඇසින්. අසිමාන්තික සිතිවිලි වාරණය නොකට සිතිවිල්ලෙන් සිතිවිල්ල පිරික්සන දෙ ඇසයි.

ඇය

සුරක්ෂිත නොවූ ලෝකයක් තුළ බිය සැක මැද දිවි ගෙවිමට විම යනු කුමක්ද? එදා කාන්තාව නිවසින් පිට නොයයි. පියා, සැමියා, වැඩිමහල් පුතු ඇය ගේ රැුකවරණය විය. සැමියා ගෙනැවිත් දෙන දෙයක් ආහාරයට ගනිමින් ඔහුගෙන් යැපෙන ඇය අද පවුල තුළ පමණක් නොව ආර්ථිකයේද සුවිශේෂී වූ කොටසකි. විදේශගතව සිටින බහුතරය කාන්තාවන්ය. රටේ ආර්ථිකයට ඔවුන්ගෙන් වන මෙහෙයට ඇගයුම් නැත. සංස්කෘතිය සමාජ ක‍්‍රමයේ යම් හැඩයක් නිර්මාණය කර ඇත. නමුත් එය ජීවන ක‍්‍රමයන්ට, නිසි තැන නිසි ගෞරවය ලබා දීමට බධාවක් නොවිය යුතුයි. 

ස්තී‍්‍ර දුෂණ, ළමා අපචාර දිනෙන් දින වැඩි වී ඇත. වාර්තාවන ¥ෂණ අපචාර අතර වාර්ථා නොවන සිදුවීම් අනන්තවත් ඇත. විටෙක ඒවා පවුල වෙනුවෙන් හෝ අපචාරයට ලක් වු ඇය වෙනුවෙන් වාරණය කර ඇත. විටෙක එහි වරදක්ද නැත. ඒ ආකර්ෂණිය වාර්තාකරණයක් තුළින් ඇයට හිමිවන කිසිවක් නොමැති බැවිනි. අද පුවත් නිර්මාණය වන්නේද කාන්තාවගේ සිරුර අලෙවි කරමින්ය. මියගොස් ඇති සියලූ දැරියන් සුදුය. ආකර්ෂණීයයය. විටෙක අධ්‍යාපන මට්ටමින්ද සෙසු දරුවන් හා සසදන කළ ඉහළින් සිටි. ශිර්ෂ පාඨ වලින් කියවෙන ඇය පිළිබඳ  පොදු නිර්වචනයක් අප මනසෙහි ඇත. මේ කුමක්ද? පුවත් මැවීම හා පුවතෙහි වටිනාකම උදෙසා සිදුකරුනු ලබනදේ පමණක්මද? අද රූපවාහිනිය තුළ සියළු බඩු විකුනණු ලබන්නේ ඇයයි, නිවසෙහි රැුකිය යුතු වස්තුවක් ලෙස සලකන ඇය මුදල වෙනුවෙන් සිය ශ‍්‍රමය, රූපය හා චරිතය විකුණන තුරු පිරිමින් මුනිවත රකියි.

ලෝක ජනගහනයෙන් හරි අඩක් පමණ වන ස්තී‍්‍රය ලෝකයේ වැඩ පැය වලින් තුනෙන් දෙකක් නිම කරණු ලබයි. අප රටේ සාම්ප‍්‍රදායික ගැමි ස්තී‍්‍රන්ගෙන් 70%කටත් වඩා වන ගැමි ස්තී‍්‍රන් ආහාර නිශ්පාදන කි‍්‍රයාවලියේ තිරණාත්මක කාරයභාරයක් ඉටු කරනු ලැබූ බව පැවසුවත් ඔවුන් මේ සදහා වැය කරන ශ‍්‍රමයට සාධාරණත්වයක් ඉටු වි නැත.

වෘත්තීය තුළ පිරිමින්ගේ අතවරවලට ගොදුරු වීම්, වෙහෙසකර බව, පීඩාකාරි බව, නිදහස රහිත බව, ආත්ම ගරුත්වයට හානි සිදුවීම්, ඇනුම් බැනුම් ඉවසන ඇය ලැබෙන වැටුපෙහි සාධාරණ අසාධාරණත්වයන් සෙවිමට නොයයි.

ප‍්‍රඥප්ති ප‍්‍රකාශන සේම නීති රීති රෙගුලාසි මොනවා තිබුණත් නාගරික හා ග‍්‍රමීය දෙපැත්තෙන්ම දිනෙන් දින බාල්දුවිමත් ඒ හා සමගම සූරාකෑම් සිදුවන ආකාරයත් දැකිය හැකිය.

කාන්තාවන් වෙනුවෙන් පෙනී සිටිමට කාන්තාවන් අවශ්‍යව ඇත. ලෝක පැවැත්මට ඇගේ මාතෘත්වය අවශ්‍යව ඇත. වෘර්ත්තිය තුළ ඇගේ මාතෘත්වය විසින් ඇය පසෙකට තල්ලූ කර ඇත. ගැබ් ගැනිම්, ප‍්‍රසූත නිවාඩු හා කිරි පැය වෘත්තිය බාධා සේ සලකයි. දිගින් දිගට හිංසනයට පත්වන ඇය වෙනුවෙන් පෙනී සිටියහැකි පිරිසක් අවශ්‍යව ඇත. පාර්ලිමේනිතුවෙහි ඇයට බලයක් අවශ්‍යව ඇත. එයට ස්තී‍්‍රත්වය බාධාවක් නොවිය යුතුය.

අනූෂා රාජපක්ෂ

අවසන් පැතුම

හිනැහෙන්නට සිතක් දෙන්න

සිතිවිල්ලක් නැති සිතකට

සැනසෙන්නට ඉඩක් දෙන්න

සැනසීමක් නැති දිවියට

ලතැවෙන්නට ඉඩ දෙන්න

තැලූණ සිතක් සනසවන්න

සිතිවිල්ලට ඉඩක් දෙන්න

දුටු සිහිනය යළි දකින්න

හැර යන්න ඉඩක් දෙන්න

නිම නොවනා මේ දිවියේ

ඔහු ද ලක්ෂපති? ඔබ ද ලක්ෂපති?

රූපවාහිනී ආගමනයත් සමග සමාජයේ විවිධ වෙනස්වීම් සිදු විය. මුල් යුගයේ රුපවාහිනී ආගමනය හැදින්වූයේ රූප හා ශබ්ද මාධ්‍යයේ දුර්වල ඥාතියෙකු ලෙස යි. තව ද රූපවාහිනිය විවිධ අන්වර්ථ නම් වලින් හඳුන්වනු ලැබිනි. ඒ යකාගේ පෙට්ටිය, හූනියම් පෙට්ටිය යනාදි වශයෙනි. රූපවාහිනිය එල්ල වූ චෝදනා රැුසක් පරිගනකය, අන්තර්ජාලය හා Face book  අතර සමසේ බෙදී ගොස් ඇත. 

අනාරාධිත අමුත්තෙකුට වුවද හොදින් සංග‍්‍රහ කිරීම අපේ ඇත්තන්ගේ ඉතා හොද පුරුද්දකි. ආගන්තුක සත්කාරයෙන් අපි තරම් දක්ෂ ජාතියක් තවත් නැත. ඒ නිසාම රූපවාහිනිය ගුවන් විදුලිය මගින් ලබා දෙන සියල්ල සතුටු සිතින් වැළද ගැනීම හා ඒ සම`ග ජීවත් වීම අපේ සිරිතක් වි ඇත. ලක්ෂපති වැඩසටහන් සංස්කෘතිය අපේ රටේ එක් කාලයක් උන්මාදයට පත් කළ වැඩසටහනක් හා ගොඩ නැගුණ සංස්කෘතියකි. මෙහි ආරම්භය 1998 බි‍්‍රතාන්‍යයේදී සිදු විය. එය ”ගේම් ෂෝ” නම් විය. Who want to be a millionair යන ශීර්ෂය ඔස්සේ ආරම්භ වූ මෙහි පළමු ත්‍යාග මුදල බි‍්‍රතාන්‍යයේ පවුම් මිලියනයක් විය. බටහිරින් ආරම්භ වූ මේ සංස්කෘතිය අද වන විට තුන් වන ලෝකයේ රට වල වඩා ජනපි‍්‍රය වී ඇත. එපමණක් නොව මෙය ජනපි‍්‍රය සංසකෘතියේ අංගයක් බවට පත්ව ඇත. මෙහි යටි අරමුණු රැසක් පැවතිය ද sms කිරීම් call  කිරීම් දැන් මිනිසුන්ට අරුමයක් නොවේ. පොදුවේ බුද්ධියට තැන දෙමින් අරඹන මෙම වැඩසටහන් වල ඉලක්ක ග‍්‍රාහක පිරිස මුලූ මහත් සමාජයම නියෝජනය කිරීමට සමත් වේ.

 නමුත් අද වන විට රූපවාහිනිය නැරඹිම, ගුවන් විදුලියට සවන් දීම, ඒ හා ගණුදෙනු කිරිම කිසිවෙකුට බැලූ බැල්මට පාඩුවක් නැත. සැබැවින්ම මේ උපකරණ ධන නිධානයන් වී ඇත. උදෑසනට, මද්දහනට, රාතී‍්‍රයට වෙන වෙනම නිධානයන් මතු කරවන ගුවන් විදුලියේ කනට අල්ලස් දීම, අද ගුවන් විදුලි මාධ්‍ය අතර තරගයක් වී ඇත. මතුපිටින් මේ දෙස බැලූවෙකුට හෝ එක් දිනක් ගුවන් විදුලියට සවන්දුන් අයෙකුට මේ සූදුවේ රස දැනෙන්න පටන් ගනියි. දිවයිනේ විවිධ ස්ථානයෙන් විවිධ වූ ජයග‍්‍රහක ජයග‍්‍රාහිකාවන් මතු වෙයි. බඩු මලූ, සල්ලි මිටි, තෑගි ලැබුණු ඔවුන් විටින් විට ගුවන් විදුලියෙන් කතා කරමින් එම සේවයට සුභ පතයි. ගුවන් විදුලිය ඇසීම පමණක් නොව එහි ශබ්දය පිළිබඳවත් අසන නාළිකාවේ නම සටහන් කර තැබීම පිළිබඳවත් අද ඒ ඒ නාළිකාවන්ගේ පිරිසට වඩා හොදින් ජනතාව දනිති. තම නිවසටත් දිනෙක පැමිණ බඩු මලූ, සල්ලි මිටි, තෑගි ලබා දී යනු ඇතැයි අපේක්ෂාවෙන් තව තවත් බෝඞ් ලෑල්ල අලූත් කරයි. ගුවන් විදුලි යන්ත‍්‍රයේ ශබ්දය වැඩි කරයි. සබැවින්ම දිනන්නේ කවුද? ගුවන්විදුලි නාළිකාවනගේ අපේක්ෂාව ජනතාවගේ ජීවන තත්ත්වය වඩා වර්ධනය කිරීම ද? එසේත් නැත්නම් සෙසු නාළිකාවන් අතර ප‍්‍රමුඛයා වීමටද? ඔවුන්ගේ සෙල්ලම් අතර සාමාන්‍ය රසිකයින් ඉත්තන් වී ඇත.

රූපවාහිනිය කෙදිනකවත් ගුවන් විදුලියට දෙවෙනි නොවෙයි. ගුවන් විදුලියේ මෙන් කුඩා ගණුදෙනු නැත. ඔවුන්ගේ ගණුදෙනුව ආරම්භ වනනේ රුපියල් ලක්ෂ ගණනින් ය. එසේත් නැත්නම් රන් පවුම්, රන් දම්වැල්  ලබා දීමේ අරමුණිනි. ඇත්තු පවා රූපවාහිනිය නැරඹීමෙන් ලබා ගත හැකි බව පසුගිය දිනවල ඔබට වැටහෙන්න ඇති. අද දිනයේ දියුණු වීම එතරම් අපහසු නැත. විටෙක ඒ සදහා ඔහු හෝ ඇයට කැප කිරීමට සිදු වන්නේ රූපවාහිනිය නැරඹීමට ගත වන කාලය පමණි. 

ලක්ෂපති වීම මුදලට පමණක් සීමා නොවේ. රූපවාහිනී ගුවන් විදුලිය මගින් පෙන්වන, අසන සියල්ල තුළින් ඒ ඒ ආයතන ලාභ පාඩු ලබයි. ඔවුන්ගේ ලාභ, ජනපි‍්‍රයත්වය, සම්මාන හා වාර්ථා අතර ඔබ කොතැන ද?

එකම ආකෘතියට නිර්මාණය වූ ටෙලි නාට්‍ය පෙළක් කොහෙන් හෝ ඇහිද ගැනීමට අද රූපවාහිනී නාළිකා සමත් වෙයි. පොහොසත් පෙම්වතා හා දුප්පත් පෙම්වතිය හෝ පොහොසත් පෙම්වතිය හා දුප්පත් පෙම්වතා හැරෙන්නට මේ ටෙලි නාට්‍ය තුළ ඇති දෙයක් නැත.  දෙමාපියන්ට රහසින් ගෙනයන මොවුන්ගේ පෙම් සටන දිනවීමට අපේ අම්මලා, ආච්චි අම්මලා, තාත්තලා හා ලොකු අයියලා සතියේ දවස් 05ක් තුළ පැය 2.30 පුරාවට සටන් කරයි. ඔවුන් නිතැතින්ම ලබා ගන්නේ අර බොලද පෙම්වතුන්ගේ පැත්ත යි. ටෙලි නාට්‍ය අවසාන වෙයි. පියවි ලොවට පැමිණෙන ඔවුන් තම දුව පුතා යහමගට යැවීමට සටන් කරයි. මේ සටන පෙර සිදු කළ සටනට වඩා වෙනස් ය. නමුත් ඒ වන විට දරුවන් පෙර සටනින් පන්නරය ලබා සිටී. මව්පියන් ප‍්‍රමාද වැඩියි.  මෙහිදී ද ඔවුන් තම ගුවන් කාලය සාර්ථක කොට ගෙන ඇත. ඔවුන් තම ආදායම් වාර්තා තබා ඇත. නමුත් ඔබ කොතැන ද?

විටෙක සමහර ටෙලි නාට්‍ය රාතී‍්‍ර 9.30ට විකාශනය වීම පිළිබද අපි සතුටට පත් වෙමු. මන්ද කුඩා දැරියක් මූලික කර ගත්ත ද, මෙහි අන්තර්ගතය වැඩි හිටියන්ට වඩාත් උචිත ලෙස සකස් වි ඇති බැවිනි. නමුත් රාතී‍්‍ර 9.30ට විකාශනයෙන් තෘප්තිමත් නොවන මොවුන් විවේකී ඉරිදා දිනයේ ත් සෑම සතියේ දිනකම උදෑසන ත් යළි යළිත් මේ ටෙලි නාට්‍ය පුනර් විකාශය කරයි. මේ කටයුත්ත මෙලෙස සිදු වුවහොත් සාමාට මල් කඩා දුන් අමර, ”අද සාමලා සතුටු වන්නේ මල් වලින් නොව රෝමෑන්ටික් වීමෙන් යැයි”, සිතා රොමෑන්ටික් විමට බැරි නැත. 

 ගුවන් විදුලි, රූපවාහිනි මගින් විවිධ දේ ලබා දෙයි. විවිධ දේ පෙන්වයි. මුදල් හා ත්‍යාග අපේක්ෂාවෙන්  අපි නිරන්තරයෙන් ඔවුන් හා සිටී. විටෙක රූපවාහිනී තිරයේ යටින් දිස්වන රූපය ඔබේ ජීවිතයේ වැදගත් අංගයකි. ජයග‍්‍රහනය කළ පිරිස් මාධ්‍ය ඔස්සේ පවසන්නේ පවුලේ සියලූ දෙනා එක් වී රූපවාහිනී නැරඹූබවයි. ගුවන් විදුලිය ඇසීම ඔවුන්ගේ පුරුද්දක් වී තිබුණු බවයි. කෙසේ හෝ ඔවුන් ලද ජයග‍්‍රහණය හේතුවෙන් නරඹන අපිටත් ජයග‍්‍රහණය කිරීමට ආරාධනා කරයි. මේ ජයග‍්‍රහණ පසු පස අපි විශාල වේලාවක් නාස්ති කරගෙන ඇත. ඒ ගෙවුනු කාලය යළි නො එනු ඇත.  නැරඹු ඇසූ දේ කොයිතරම් යහපත් ද, වැඩදායක ද යන්න ඔබ විසින් බුද්ධියෙන් විමසිය යුතු ප‍්‍රශ්නයකි. සබැවින්ම මෙහිදී මා හට මතු වන ප‍්‍රශ්නයක් ඇත. ඒ ලක්ෂපති වන්නේ ඔහු ද? ඔබ ද? යන්නයි.

වගේලූ

හිනා වෙනකොට මං අම්මා                   වගේලූ
තීරණ ගන්නේ තාත්තා                         වගේලූ
කතා කරනකොට අක්කා                      වගේලූ
මේ හැමදේම මං හොද                         හින්දලූ

ඒත් 

අඩන දුක්වෙන මං           මං                 වගේලූ 
අයිතිකාරයෙක් නෑ           මං                වගේලූ
තරහා ගියාම මං වගේ කවුරුත්                 නෑලූ
ඒවා මගේම නිර්මාණ                           වගේලූ

සදා නොමැකෙන හදවත රත්තරන් ජෝතී

වෙනස්වන බොහෝ දේ අතර සදා අනුස්මරණිය දේ මේ මනු ලෝ තුළ නිතර හමු නොවෙයි.

පතනා දේ සුන් වේ නම් - නොසිතූ දේ සිදුවේ නම්

මේ සෑම දේම සිහිනයකි  - බලන් සිත් යොමන්

ඔහු ගැයූ ගී සුවහසක් රසික සිත් තවමත් අමන්දානන්දයට පත් කරයි. අද ද ඔහු ගේ ගීත රසවිදියි. 1936 පෙබරවාරි 12වන දින උපත ලැබු H.R  ජෝතිපාල, ජන හද දිනා ගත්තේ ”හදවත් රත්තරන්” ජෝති යනුවෙනි. මොහු ගේ සම්පූර්ණ නාමය හෙට්ටි ආරච්චිගේ රෙජිනෝල්ඞ් ජෝතිපාල නම් විය.  මොහු සිංහල සිනමාවේ ජනපි‍්‍රය පසුබිම් ගායකයෙක් විය.

ලොව සුන්දර දේ නොපෙනේ නම් - දෑසක් කුමකට ලැබුණාදෝ

මිහිරක් සවනට නොදැනේ නම් - දෙසවන් කුමකට ලැබුණාදෝ” 

, අප දෙසවන් ලැබීම පිළිබඳ දුක් නොවන පිරිසකි. මන්ද ඒ සුන්දර රුව දක්නට පින් නොකළද, සවන් ලද පිනෙන් අප ඔහු රස විදිනු ඇත.

1956 දී සිරිල් පී. අබේරත්නගේ ”සුරතලී” චිත‍්‍රපටය සඳහා ”සිරියා මේ සාරා” ගීතය ගායනා කරමින් පසුබිම් ගායකයෙක් ලෙස රිදී තිරයට එක් විය. ඉන් පසුව ජෝතිපාලයන් ඉන්දියාවේ ”වාහිනී” චිත‍්‍රාගාරයේ ජනප‍්‍රිය ගීත රැුසක්ම ගායනා කළේය. ජෝතිපාල ශ‍්‍රී ලංකාවේ බොහෝ ප‍්‍රකට චිත‍්‍රපට අධ්‍යක්ෂකවරුන් සමඟ කටයුතු කර තිබේ. ඔහුගේ වෘත්තීය ජීවිතයේ මුල් කාලයේදී අද්විතීය චිත‍්‍රපට අධ්‍යක්ෂක ලෙස්ටර් ජේම්ස් පීරිස් මහතාගේ ”සන්දේශය” චිත‍්‍රපටයේදී ඔහු හා එක්ව වැඩ කිරීමට අවස්ථාවක් ලබා ගත්තේය. මේ සඳහා ප‍්‍රවීන ගායක සුනිල් ශාන්තයන් විසින් තනු නිර්මාණය කරන ලද කෘතහස්ත ගීත රචක අරිසෙන් අහුබුදු ශූරීන් ලියූ ”පෘතුගීරිසිකාරයා” ගීතය ගායනා කළේය. තවද ඔහු කස්තුරි සුවඳ, තුෂාරා, ස්වීප් ටිකට්, හිත හොඳ මිනිහෙක්, කවුද රජා,හොඳට හොඳයි, වාසනා, සංගීතා සහ වෙනත් ජනප‍්‍රිය චිත‍්‍රපටද ඇතුලත්ව චිත‍්‍රපට ගණනාවක් සඳහා ගීත ගායනා කළේය. ගීත ගායනයෙන් නොනැවතුනු මොහු ඇතුල්වීම තහනම්, සුලලිත සොබනි, සුජීවා, සූකිරි කෙල්ල, අභිරහස, බෝනික්කා, ශාන්ති සහ ඔහුගේම නිෂ්පාදන වන සුමිතුරෝ සහ ඔබයි මමයි යන චිත‍්‍රපට සඳහා චරිත නිරූපනයෙන් දායක විය.

හැත්තෑව හා අසූව දශකය වන විට සංගීත ලොවෙහි ජෝතිපාල නොමැතිව සංගීත ප‍්‍රසංගයක් අංග සම්පූර්ණ නොවීය. ඔහු රසික සිත් සතන් අමන්දානන්දයට පත් කළ ගායකයෙක් විය. ඔහු ගේ හ`ඩ ජව සම්පන්න විය. ඔහු සැබැවින්ම හිත හොද මිනිසෙකි. මේ රත්තරන් ජෝති 1987 ජූලි මස 07වන දින සමු ගෙන වෙන්ව ගියේය. ඔහු වෙන්ව ගොස් වසර 28ක් සපිරෙයි. නමුත් හිස් අහසේ ගෑවෙන තරමට ඔහු විසින් බැඳි ගී සෑය තවමත් ඉහළට එසවී ඇත. 

මේ මගේ ගෙවත්තේ කටුවැල් බටු

කටුවැල් බටු වගාව අපහසු නෑ. මේ මගේ ගෙවත්තේ වගාව. වෙළදපල තුළ අද කටුවැල් බටු මිල ඉතා ඉහළය. ඒ නිසා කටුවැල් බටු වගාවත් නරකම නෑ.

ගෙවතු වගාවක් ලෙස වතු කෙළවර කටුවැල් බටු වගා කිරීම හොද ආදායම් මාර්ගයක් වනු ඇතපුරාණයේ දී හේන්වල ස්වභාවිකව ව්‍යාප්ත වූ වියලි කලාපයේ පහසුවෙන් වගා කළ හැකි ශාකයකි. ඉන්දියාවේ කාන්තාර ආශි‍්‍රතව පරිසරවල ස්වභාවිකව පැතිරී ඇති අතර ශාක ඖෂධයක් ලෙසද වගා කරයි. කටුවැල් බටු එහි නමට උචිත ලෙසින් තියුණු කටුවලින් යුක්ත පොළොව බදා ව්‍යාප්ත වන අලින් පවා පෑගීමට බිය ශාකයකි. අප රට තුළ වැඩිම ඉල්ලුමක් හා අවශ්‍යතාවයක් ඇති ඖෂධයක් ලෙස කටුවැල්බටු හැඳීන්විය හැක. දේශීය වෛද්‍ය ක‍්‍රමය තුළ හා ආයුර්වේද වෛද්‍ය ක‍්‍රමය තුළත් ලෙඩ සුව කිරීමට නැතිවම බැරි ඖෂධයකි. අප රට තුළ කොතරම් පරිභෝජනය සඳහා ගන්නවාද කිවහොත් ආයුර්වේද ඖෂධීය අමුද්‍රව්‍ය අතර පිටරටින් වැඩියෙන්ම ආනයනය කරන ඖෂධය කටුවැල්බටුයි. මේ ශාකයේ උද්භිද විද්‍යා නාමය වූයේ Cyperus Rotundus යනුවෙනි. කුලය වූයේ කණ්ඨකාරි ය.

කැස්ස සෙම්ප‍්‍රතිශ්‍යාව සඳහා බහුල ලෙස මුලු ශාකයම භාවිතා කරයි.ඇලෙන සුළු තියුණු කටු සහිත බිම දිගේ ඇදි ඇදී වැඩෙන කුඩා පඳුරකි. බටු ගසට සමානය. අතු පොළොවට සමාන්තරව වැඩේ. පත‍්‍ර ගැඹුරට ගිලුණු කොටස් වලට කැඩී ඇත. පත‍්‍ර නටුවේ හා නාරටියේ දිග කටු ඇත. කෝණාකාරව විහිදුනු දම් පැහැ පෙති ඇති මලෙහි මැද එකට ගොනු වූ කහ පාට රේණු කැපී පෙනේ. පොකුරක මල් කීපයකි. මල් හට ගැනීම වසර පුරාම සිදුවේ.ශී‍්‍ර ලංකාව, ඉන්දියාව හා බුරුමය කටුවැල් බටු ශාකයේ නිජබිම ලෙස සලකනු ලබන අතර මේවා වැවීමට වියළි දේශගුණය බෙහෙවින්ම බලපායි. අතීතයේ දී ශී‍්‍ර ලංකාවේ පහත රට වියළි ප‍්‍රදේශවල හේන් වගාවක් ලෙස තිබී ඇත. සමහර ප‍්‍රදේශවල ස්වභාවිකව දක්නට ලැබේ. ශී‍්‍ර ලංකාවේ පහත රට වියළි කලාපයේ නිසරු මුඩු බිම්වල සරුවට වැඩේ.බීජ මගින් පහසුවෙන් බෝ කර ගැනීමේ හැකියාව ඇත.

 කහ පැහැයට හැරුණු හොඳින් මේරූ කටුවැල් බටු ගෙඩි වලින් වෙන් කරගන්නා බීජ හොඳින් සෝදා මඳ පවනේ වියළා ගත යුතුය. කල්තබා ගැනීමට අවශ්‍ය නම් ගෙඩිවලින් බීජ වෙන්කර ගබඩා කරගත යුතුය.

කෘමි පාලනයකොළ හකුලන දළඹුවන් මයිටාවන්, කූඩිත්තන් හා පත‍්‍ර කනින්නන් වැනි කෘමීන් ගේ හානි ඇති අවස්ථාවල කොහොඹ ඇට තලා සකස් කරන ස්වභාවික කෘමිනාශක යෙදිය හැකිය.රෝග රාශියකට දිව ඔසුවක් වැනි කටුවැල් බටුවලින් සම්පාදිත ඖෂධ අතර දෙනිබ දෙබටු ක්වාථ, කණ්ඨ කාර්යාව ලේහය, ව්‍යාඝී‍්‍ර හරිතකී, පංච තික්ත ඍතය, දශ මූලාරිෂ්ටය ප‍්‍රධාන වේ. දේශීය ඖෂධ සෑදීමට ගනු ලබන ඔසුව මෙරට තුළම වගා කිරීමෙන් විදේශ විනිමය ඉතිරිවීමත් නව රැකියා උත්පාදනයත් සිදුවේ.

පණු රෝග හා මුත‍්‍රා රෝග සඳහාම යෝග්‍ය වේ. දත් කැක්කුම සඳහා කටුවැල්බටු ඇට කබලේ බැද කුඩු කර භාවිතා කෙරේ. උඳුගොව්වා කෑමට කටුවැල්බටු ඇට අඹරා ගෑම අත් බෙහෙත් ලෙස සිදු කෙරේ. මුත‍්‍රා යෑම අඩු වූ විට කටුවැල්බටු තම්බා බීමෙන් සාර්ථක වේ. වෙළදපල මිල කිලෝ එකක් රුපියල් 500ක් පමන වේ. මේ හේතුව නිසාම මෙම ශාකය ලංකාව තුළ වගාකිරිම වඩා වර්ධනය කළයුතුයි. රටේ අවශ්‍යතාවය සම්පුර්ණ කර ගැනීම උදෙසාත් දේශීය අදායම වැඩි කර ගැනීම සඳහාත් කටුවැල්බටු වගා කිරීමේ අවශ්‍යතාවය පෙන්වාදීම කාලෝචිත වේ.

සොයුරු පෙම අයදිමි

බාලවිය මිතුදමින්

තරුණ විය 

ලද සෙනේ

පැටලූනා ආදරෙන්

ආදරේ සොයුර මා

පෙර සේම අද දිනෙත්

නොවෙනස්ව

ආදරෙන් සොයුර ඔබේ 

සොයුරු පෙම අයදිමි

යළි දෙන්න ඒ සෙනේ

ඉඩ ඇතොත්

ඔය හදේ

අමතන්න

හුරු පුරුදු

දුරකථන ඇමතුමෙන්

මරා දැමුවද සදා නොමැරෙන මානව හිතවාදියා විජය කුමාරතුංග

               ජාතීන් අතර සමගිය සහ දේශයේ සාමය වෙනුවෙන් සැබෑවටම කැපවූ ශ්‍රේෂ්ඨ මානව හිතවාදියෙකු වූ ලංකා මහජන පක්ෂයේ නිර්මාතෘ වූ විජය කුමාරතුංගයන් 1988 පෙබරවාරි මස 16 වෙනි දින පොල්හේන්ගොඩ එතුමා ගේ නිවස ඉදිරිපිට දී ඝාතනය කර වසර 27 ක් පිරුණි. සොදුරු කලාකරුවෙකු වූ විජය කුමාරතුංගයන් සදා අමරණීය මතකයක් සමග අප හදවත් හි සැරිසරයි.  ඔහු සදාකාලික පෙම්වතකි. කිසිදා මහළු නොවන ඔහු අප අතරට පැමිණියේ නාඹර තරුණ වියේ දී ය. ඔහු සිනමා වේ පෙම්වතා විය. ඔහු මිය යන විටත් ඔහු සිනමාවේ පෙම්වතා ම විය. අමතක නොවන හදවත් ඇති රසික රසිකාවියන් තවමත් ඒ සුන්දර මිනිසාගේ රුව, ගායනය, රංගනය වෙනුවෙන් ජීවත් වෙයි. පුදුමයට පත්කරවන කරුනක් ඇත. ඒ විජය වියෝ වූ පසු උපන් නව පරපුරක ආදරය ද ඔහුට හිමි විමයි.

ලාංකේය සිනමා සංස්කෘතිය තුළ ඉහළම ප‍්‍රතිරූපයක් ගොඩන`ගා ගෙන සිටි ගාමිනි ෆොන්සේකා පොදු ජනයා අතර දිනාගෙන සිටි අසීමිත ජනපි‍්‍රයත්වය හැත්තෑව දශකයේ මැද භාගය වන විට කෙමෙන් විජය කුමාරතුංගයන් වෙත මාරු වෙමින් අසූව දශකයේ මැද භාගය වන විට තිරයේ ජනපි‍්‍රයම නළුවා බවට පත් විය. විජයගේ අසීමිත රූප සම්පත්තිය ඔහු ගේ ජනපි‍්‍රයත්වයට හේතු විය.

හැටේ දශකයේ අවසාන භාගයේ දී සිනමාවට අවතිරණ වන විජය කුමාරතුංග සිය රුව-ගුණ පතුරවමින් ප‍්‍රබල ලෙස ප‍්‍රතිරූපයක් ගොඩ න`ගන්නේ ලාංකේය සිනමාවේ ස්වර්ණමය අවදිය ලෙස සැළකෙන හැත්තෑව දශකකයේදිය. හැටේ දශකයේ අග භාගයේ දී ලාංකේය සිනමාවට සමාජීය නැඹුරුවක් එක් කරමින් හැත්තෑව දශකය ස්වර්ණමය අවදියක් බවට පත් කළ රැල්ලක පුරෝගාමියා වූ සුගතපාල සෙනරත් යාපාගේ ”හන්තානේ කතාව” සිනමා නිර්මාණය යි.  නව සිනමාවක අරණළු දකිමින් සිටි ධර්මසේන පතිරාජ, බර්ටි ජයසේකර, බර්ටි ගුණසේකර, ස්වර්ණාමල්ලවආරච්චි යන ශිල්පින් ඇසුරින් විජයගේ  සිනමා ප‍්‍රවිෂ්ට වීම සිදු විය. විශ්වවිද්‍යාල තරුණයෙක් ලෙස තම රංගනයෙන් දායක වු විජය හැත්තෑව දශකයේ නව සිනමා ප‍්‍රවේගයට ප‍්‍රතිපක්ෂව හිස ඔසවමින් දැඩි වාණිජවාදි ජනපි‍්‍රය සිනමා ප‍්‍රවේගය විසින් නතු කරගනු ලැබීය. විජයගේ අතිශයින්ම පියකරු මුහුණ, රැුළි සහිත කොණ්ඩය, තරුණ පෙම්වතෙකුගේ සුකුමාර බව , කෙළිලොල් බව ප‍්‍රකට කරන ලක්ෂණ විය.

හන්තානේ කතාව චිත‍්‍රපටයේ ප‍්‍රධාන නළුවාගේ භූමිකාවට පණ පොවමින් රංගනයට පිවිසි විජය පි‍්‍රයංගා, රන් ඔන්චිල්ලා, හතර දෙනාම සූරයෝ, අභිරහස, කේසර සිංහයෝ, බිදුණු හදවත්, එදත් සූරයා අදත් සූරයා, ක‍්‍රිස්තු චරිතය , අහස් ගව්ව , සිකුරුලියා , තුෂාරා , මේ දැස කුමටද , හතරදෙනාම සුරයෝ , සංගීතා , මමයි රජා , හිගන කොල්ලා ,  මරුවා සමග වාසේ , එයා දැන් ලොකු ළමයෙක් , බඹරු ඇවිත් , ග`ග අද්දර , බැද්දේගම , කැඩපතක ජායා, බිනර් සහ ඉසුදු බණ්ඩා, ජය සිකුරුයි, ගිතිකා, විස්මය, අනුපමා, බැද්දේගම,යුගයෙන් යුගයට, අහිංසා අදි සිනමා නිර්මාණ 110කට අධික සංඛ්‍යාවකට තම රංගන දායකත්වය දක්වා ඇත. 1983 සිට 1988 දක්වා අඛණ්ඩව වසර 05ක්ම ජනප‍්‍රිය නළුවා සම්මානයේ හිමිකරුවා විය. රංගනයට මෙන්ම ගායනයටද සමතෙක් වූ විජය පසුබ්ම් ගායනයෙන් සම්බන්ධ වී සහරාවේ සිහිනය, දොළොස්මහේ පහන චිත‍්‍රපටවලට හොදම ගායකයා සම්මානය ලැබීමට තරම් ඔහු දක්ෂයෙකු විය. ඔහුගේ ගැයූ ගී විටෙක සමාජ යථාර්ථයේ පිළබිඹුවන් විය. උගත්, රැකියා විරහිත, සමාජ අසාධාරනයට ලක් වූ ලාංකේය තරුණ පරපුරේ අසහනය මෝරා පුපුරා යාමට බොහෝ කළකට පෙරය. අවාසනවාකට ඒ අවාසනාවන්ත පුපුරායාමේ ගොදුරක් බවට ඔහු ද ලක් විය.

වහලේ යට ලියේ -එල්ලී මිය ගිය මගේ මලේ
මලේ කිමද නුඹ දනිමි මලේ

තවත් වරෙක සුනිල් ආරියරත්නයක්ගේ ගී සංකල්පයක් විජය ගේ හඩින් ගැයෙන්නට විය.

උපන් බිමට පිටු පා
කෞතුක මන්දිරයක මිදුලට බැස
මහ සමුදුර වෙත දෑසු යොමා ගෙන
 සිටිනා විරයිනේ
 නුඹය මෙදා අප විදිනා ගැහැටට
 වග උත්තර කරුවෝ

බලය වෙනුවෙන් මුළු රටම අවුලට ඇද දමා ගාලූ මුවදොර පිටියේ පිළිම වෙමින්, උපන් බමට පිටුපා මහ සයුර දෙස බලා සිටින්නේ සැබෑ විරයින් දැයි සමාජයෙන් ප‍්‍රශ්න කරමින් විජය මේ ගිතය ගායනා කරයි. මීට අමතරව ගග අද්දර, කවු`එව අතරින්, වේදනා, දිනකර පායා, සීත රැයේදී, මංගල නැකත, සුදු දුව, රෝස ගහ ළග, රැල්ලෙන් රැල්ලට, සීතලේ නිසංසලේ යන ගී ගායනා කර ඇත.

 කලාව ධනය වෙනුවෙන්ම නොව සැබෑ මිනිසත්කම හා අනාගත ලෝකයක සුවය පිණිස විය යුතුයැයි උදාර හැගුමින් කටයුතු කළ ආදරණීය ”විජේ” දේශපාලනයට පිවිසෙන්නේ සැබෑ විමුක්තිය හා යහපත් දේශපාලන ගමනක් සිහිනෙන් දකිමින් ය.

දේශපාලන ආරම්භය

ලංකා සමසමාජ පක්ෂයෙන් දේශපාලය ආරම්භ කළ පසුව ශී‍්‍ර ලංකා නිදහස් පක්ෂට සම්බන්ධ විය. 1977 දී පවත්වන ලද මහ මැතිවරනයෙන් ශී‍්‍ර ලාංකික දේශපාලන ඉතිහාසයේ තීරණාත්මක මැතිවරණයක් විය. ශී‍්‍ර ලංකා නිදහස් පක්ෂය ඇතුළුව වමේ පක්ෂ අන්ත පරාජයට පත්වූ අතර ද්‍රවිඩ එක්සත් විමුක්ති පෙරමුණ පමණක් උතුරු නැගනහිර ප‍්‍රදේශවල ආසන සංඛ්‍යාවක් දිනාගන්නා ලදි. පාර්ලිමේනිතුවේ 5/6 ක බලයක් ලබාගත් එක්සත් ජාතික පක්ෂය ආණ්ඩු බලය ලබා ගැනිමත් සම`ග විරුද්ධ වාදින් එරෙහිව ප‍්‍රචණ්ඩත්වය මුදාහළේය.

මේ අනුව දේශපාලන, ආර්ථික, සාමාජිය හා සංස්කෘතික ක්ෂේත‍්‍ර සියල්ලනේම රටට හා ජනතාවට දරාගත නොහැකි තත්ත්වයක් ඉස්මතුවන්න විය. ඒ අතරතුර රට හමුවට පැමිණි 1982 ජනාධිපතිවරණයේ දී මැතිනියගේ ප‍්‍රජා අයිතිය අහෝසිකර තිබූ නිසා ශී‍්‍ර ලංකා නිදහස් පක්ෂයේ අපේක්ෂකයා ලෙස හෙක්ටර් කොබ්බෑකඩුව මැතිතුමා ඉදිරිපත් වුවුද එතුමාට විරුද්ධපක්ෂයේ අතැමුන් විසින් අභ්‍යන්තරයෙන් දියත් කළ කුමන්ත‍්‍රණයන් හි ප‍්‍රතිපලයක් ලෙස එතුමා පරාජයට  පත් විය. එතුමාගේ ජයග‍්‍රහනයට සහය දක්වමින් සියලූ කැප කිරිම් කරමින් රට පුරා ජනතාවට නායකත්වය දුන් විජය කුමාරතුංග ප‍්‍රමුඛ පිරිස රාජ්‍ය නැක්සලයිට්කරුවන් ලෙස අත් අඩංගුවට ගෙන වද හිංසා පමුණුවා හිර කරන ලදි. තවද ශී‍්‍ර ලංකා නිදහස් පක්ෂයෙන් මහර ආසනය වෙනුවෙන් මැතිවරණයට පෙනී සිටි අතර පළමු වටයේ ලද ජයග‍්‍රහණය, විදුලිය ඇනහිටීමෙන් අනතුරුව මැතිවරණ ප‍්‍රතිඵල වෙනස් වෙමින් එක්සත් ජාතික පක්ෂයේ මැතිවරණ අපේක්ෂකයාට හිමි විය. සමාජ අසාධාරණයන් සියල්ල දරා ගනිමින්, 1984 ජනවාරි 22 විජය කුමාරතුංගයන් ශී‍්‍ර ලංකා නිදහස් පක්ෂයේ ප‍්‍රගතිශිලි බලවේග සමග ශී‍්‍ර ලංකා මහජන පක්ෂය ආරම්භ කර ඇත. ශී‍්‍ර ලංකා නිදහස් පක්ෂයේ ප‍්‍රගතශිලී කණ්ඩායමේ ප‍්‍රවිණ පිරිසක් මේ සදහා එකතු විය.

ජාතිවාදයට එරෙහි වූ විජය කුමාරතුංග

ජාතිවාදයට විරුද්ධ වූ එතුමා සිංහළ දෙමළ මුස්ලිම් බර්ගර් මැලේ යන ශී‍්‍ර ලාංකේය ජන වර්ගයන්ගේ සැබෑ ජනතා නායකයා විය. දකුණේ මෙන්ම අතුරේ කි‍්‍රයාත්මක වු ජාතිවාදි බලවේග විසින් ඉස්මතු කල ත‍්‍රස්තවාදයට විරුද්ධව යමින් උතුර දකුණ සැබෑ සහෝදරත්වයෙන් යා කරන්නට අභීත නායකත්වයක් ලබා දි ඇත. 1983 ජූලි කලබල ම`ගින් දෙමළ ජනතාවට එල්ල කරන ලද අමානුෂික ප‍්‍රහාරය තිස් අවුරුදු යුද්ධයක ආරම්භය විය. යුද්ධයෙන් විරසක වු සිංහල දමිළ හා මුස්ලිම් ජන කොටස් යළි එක්සත් කිරිමේ දේශපාලන විසදුමක අවශ්‍යතාව මතු වි තිබුණි. විජය කුමාරතුංගයන් මේ සදහා දිවි හිමියෙන් එකතු විය.දෙමළ ජනතාවට ද දේශපාලන බලයේ සාධාරණ පංගුකාරීත්වයක් දිය යුතු යැයි හඩ නගමින් විජය පළාත් සභා ක‍්‍රමය මෙරට ස්ථාපිත කළ 13 වෙනි ආණ්ඩුක‍්‍රම ව්‍යවස්ථා සංශෝදනය ගේන ඒමට කළ උද්ගෝශන ව්‍යාපාරයන්ට සිය දායකත්වය දක්වන්න විය.

එතුමාට අවශ්‍ය වූවේ ප‍්‍රජාතන්ත‍්‍රවාදී නව ආණ්ඩුක‍්‍රම ව්‍යවස්ථාවක් ස්ථාපිත කරමින් රට ප‍්‍රජාතන්ත‍්‍රවාදය කරා යළි ගෙන ඒමය. දේශපාලන ක්ෂේත‍්‍රයේ නිවැරදි කළ යුතු ප‍්‍රධාන කාරුණු නිවැරදි කරන්න පුලූල් ජනමතයක් ගොඩනගන්න සිය හඩ අවධි කළ විජය බහු ජාතික සමාගම් ග‍්‍රහනයෙන් අපේ ඉඩම් නිදහස් කර ගැනීමටත්, ගොවීන්ට විරුද්ධව සම්මත කර ලද ජල බද්ද අහෝසිකර දැමීමට උසාවිය වටලා හිරගෙට නියම වූ ගොවීන් බේරා ගැනීමට ද කටයුතු කළේ ය. ආණ්ඩුව විසින් අත්කරගන්නා ලද 70 ලක්ෂයක් ජනතාවගේ සලාක පොත යළි ලබා දීමේ දැවැන්ත අරගලයක්  දියත් කළේ ය. ප‍්‍රජාතන්ත‍්‍රවාදි දේශපාලනයක්, ජාතික ආර්ථිකයක් හා අපටම අනන්‍ය වූ සංස්කෘතියක් වෙනුවෙන් සියලූ සංවිධාන, පක්ෂ එකමුතු කරන්න ”දෙසැම්බර් 26 ව්‍යාපාරය” නම් ජාතික ව්‍යාපාරය ආරම්භ කර ඊට නායකත්වය ලබා දි ඇත. ඒ මුලූ රටම ජනතාවාදී පාලනයෙන් නිදහස් කර ගැනීමේ උදාර පරමාර්ථයෙනි. රටට ගැළපෙන වමේ සන්ධානයක්  ගොඩනගමින් සකලවිධ ප‍්‍රතිගමින්ට එරෙහිව නව දේශපාලන ව්‍යාපාරයක් ආරම්භ කරමින් ජාතික වශයෙන් කැපවුණ අවස්ථාවක ඔහුගේ ඝාතනය මෙරට ජනතාවටත්, රටටත් සුදු වූ බරපතල පාඩුව මෙතකැයි කියා නිම කළ නොහැක.

ප‍්‍රතිගාමි කදවුරේ වුවමනාව වුයේ නව දේශපාලන ව්‍යාපාරයේ සිබෑ නායකයානන් ඝාතනය කිරීමෙන් සකලවිධ ජනතාවාදී බලවේගය විනාශකරමින් පොදු ජනතා අපේක්ෂාවන් සියල්ල මුලින් උපුටා දැමීමය. රටක් හඩා වෙලපෙද්දි විජය අප අතරින් වෙන්ව ගියේය. අවස්ථාවාදය ප‍්‍රතික්සේප කළ ඔහු අව්‍යාජ ප‍්‍රතිපත්ති ගරුක දේශපාලනයට පදනම සකස් කළ අයකි. විජය හ`ඩ නැ`ගුවේ යුක්ති වෙනුවෙනි. ඔහුගේ ජිවිතය අකාලයේ මිලින වූවේ අවස්ථාවාදී දේශපාලකයන්ගේ කි‍්‍රයාකාරිත්වය නිසා ය.
විජය වරක් දොරවේරුවේ දි ප‍්‍රසිද්දියේ තම මරනය ගැන මෙසේ ප‍්‍රකාශ කොට ඇත. එනම්, මම කිසිසේත්ම මරණයට බිය නොවෙමි. එහෙත් ඇතැම් විට මට මරණය ගැනද බියක් දැනේ යම් හෙයකින් මා මළ දාක ඔබගේ පියා මළේ කෙසේ දැයි, පාසලේ සහෝදර ශිෂ්‍යයෙකු මාගේ පුතාගෙන් විමසුවහොත්

”මාගේ පියා මළේ බයිස් කොප් එකක තරුණියක් සමග මල් ගසක් වටා නටන් ගියක් කියද්දී හැඳුණු පපුවේ අමාරුවෙනි” යැයි පිළිතුරු දීමට මාගේ පුතාට සිදුවේ යැයි මම බියෙන් පසුවෙමි. කොටියෙකුගේ හෝ ජනතා විමුක්ති පෙරමුණේ ගිනි අවියකින් මාගෙ හිස  කුඩු පට්ටම් වී යාමට ලැබුණොත්මට ඊට වඩා සැපයක් නොමැත.” යනාදි වශයෙනි.
විටෙක ඔබ යෞවනයේ සිහින කුමාරයා ය. සහෘර්ද හදවත් අමන්දානන්දයට පත් කළ ඔබ එදා මෙදා තුර සිනමාවේ සුකුමාල පෙම්වතායx අප ජිවත් වන සමාජයේ මිනිසුන් ඉපදී, ජීවත් වී, මිය ගිය එසේත් නැත්නම් මරා දමා ඇති අවස්ථා අපමණවත්ව ඇත. ඒ අවස්ථාවන් ගණනකගේ අත්දැකීම් ද අපට ඇත.නොමියෙන මතකයෙන් සිත් බැදි ඔබ ජාතිය වෙනුවෙන් දිවි පිදු වීරවරයෙක් ය ලක්මවට සිටි.

දෑස

 

එක් දිනක මා දෑස
දකිමි ඔය දෑස
මා දෑස
ඔබ දෑස
ලෙසින් දුටු මා දෑස

 

අදරය දුක සතුට
උතුරන ඔය දෑස
හදවතේ කැටපතයි
සුරතල් ඔය දෑස

 

නුරා මත් කරන
කෝල පිරි ඔය දෑස
ආදරය එතැනයි
ගැටුණු විට ඔය දෑස

 

කවි ලියූ මා දෑස
එය බලන ඔබ දැස
දිනක සදහටම
පියවෙයි

ඔබ මා දෑස

මා

 

ඔබ මිනිසෙකි
මා මිනිසෙකි
එකට සරණ
මේ මනු ලොව
වෙනක් නැත
දැස් වැසුණු
මම අඳනෙකි
හිරු සඳු හා
තරු නොදකින

ළමා අවදිය

 

කාලයේ කඩතිර
වලින් වැසී ගිය
ඔබට මතකද
අප ළමා අවදිය
නොදැන කිසිත්
කිසිදු කිළිටක් නැතිව
සතුටින් සම සිතින්
උන්නු ඒ කාලය
ගෙවුණා
දින
සති
මාස
අවුරුදු වලින්
කාලය
අද මට වැටහෙනවා
එදා රස බැලූ
වැලි බත
රස බව සියල්ලට
වැඩියෙන්

සැබැවින්ම ඇය කවුද?

 

 

                                        ආර්ථික, සමාජීය, සංස්කෘත හා දේශපාලනික යන ක්ෂේත‍්‍රයන් තුළ ස්තී‍්‍රන් හා පුරුෂයන් රග දැක්විය යුතු භූමිකා වෘත්තීන්, වගකීම්, අපේක්ෂා, හැසිරීම් රටාව, හා සාරධර්ම ඇදුම් පැළදුම් ආදිය ගැන සමාජය විසින් නිර්මිතයන් සකසා ඇත. දීර්ඝ කාලයක් තිස්සේ ඇතැම් විට මෙම තත්ත්වයන් සම්ප‍්‍රදායන් සේ පැවත එයි.

 

                                   සමජ නිර්මිතයන් තවමත් කි‍්‍රයාත්මකද? සැබැවින්ම ඇය කවුද? ඇය හා ඔහු ගේ වෙනස කොතැනද?

 

 

 

                                 බොහෝ විට දක්නට ලැබෙන ඒකාකෘත වන්නේ යටහත් පහත් කීකරු භාර්යාවන්, ප‍්‍රචණ්ඩ ස්වාමි පුරුෂයන්, වංක හෝ ඕපාදුප කතා කරන කාන්තාවන්, පිරිමි ගෘහ මුලිකයන් හා පවුලට බත සපයන්නන් ආදියයි. පවුලේ අයට කන්න දෙන්න බැරි පිරිමියා ”කොන්ද පන නැති පිරිමියා”, ලෙස වර්ගිකරණය වීම පිරිමියාට වන අසාධාරණයකි. ගැහැනිය සිනාසිය යුත්තේ කෙසේ ද යන්න සාහිත්‍යයේ පෙන්වා දී ඇත්තේ ”සිනා නොමසන් දසන් දක්වා” යනුවෙනි. කෙනෙක් අදින පළදින දේ කාලය, ආගම, සංස්කෘතිය අනුව වෙනස් වේ. ඒ අනුව ස්තී‍්‍ර පුරුෂ ඒකාකෘතින් සමාජයෙන් සමාජයට, ස්ථානය හා පරිසරය අනුව වෙනස් වේ. සාහිත්‍ය ජනශ‍්‍රැතිය හා ඉතිහාස කතා තුල මෙවැනි ඒකාකෘතින් බහුලව දැකිය හැකිය. කාන්තාවන්ගේ හැසිරිම සම්බන්ධයෙන් විවිධ අර්ථකථන ඉදිරිපත් වී ඇත.

බාල්‍යෙ පීතුර් වංශේ තිෂ්ඨෙත්

ප‍්‍රාණි ග‍්‍රහස්‍ය යෞවනේ

පුත‍්‍රාණං භාර්තරි පේ‍්‍රතේ

න භජේත් ස්තී‍්‍ර ස්වත‍්‍රාන්ත තාම්”

 

                         බාල කාලයේ පියා යටතේ ත් තරුණ කාලයේ සැමියා යටතේ ත් වයසට ගිය පසු වැඩි මහල් පුතුන් යටතේ ත් රැකිය යුතු විය.

 

”කාන්තාවන්ගේ නුවණ හැදි මිටේ ලූ”යනුවෙන් දක්වා ඇත.

                  විවාහය හා පතිවත සම්බන්ධයෙන් විවිධ ඒකාකෘතීන් පවති.

 

”හිමි ගමනක් ගොසින් - ගෙට ආ කළට සතොසින්

නො ඇණවා දාසින් ‐ නුඹ ම පය සෝදවන් වෙසෙසින්”

                                                ඇය සැමියාගේ පා සේදිය යුතු බවත්,

 

”පැමිණෙන කල යහන - සුදු තුනු සිහිල් සළුවෙන

ගිව් කන් අබරණින ‐ මලින් සුවදින් සැදෙව් රිසිවෙන”

                                       ලිංගික සංසර්ගයට කාන්තාවන් පිරිසුදු වී ලස්සනට සිට සැමියාගේ සිත් පිනවිය යුතු බව දක්වා ඇත. එමෙන්ම,

 

”ආලය කළ මුත් පන සේ ‐ ස්ති‍්‍ර ජාතිය නෑ විශ්වාසේ”,

ගැහැණු විශ්වාස නොකළ යුතු මායම් කාරියක් බව දක්වා ඇත.

 

                            පවතින  සමාජිය, ආර්ථික, දේශපාලන, අධ්‍යාපන, සංස්කෘතික හා සාරධර්ම ලෙස බෙදා වෙන් කළ හැකිය. ස්තී‍්‍ර පුරුෂභාවය හා ස්ත‍්‍රී-පුරුෂ සමාජභාවය එකිනෙකට සමාන වුවද අර්ථ විග‍්‍රහය තුළ වෙනස්කම් පවතින යෙදුම් දෙකකි. ස්තී‍්‍ර පුරුෂභාවය ජීව විද්‍යාත්මක සාධකයක් වන අතර උපත අනුව එය තීරණය වේ. මෙය පොදු ධර්මතාවයකි. ස්තී‍්‍ර පුරුෂ භාවය තුළින් ගැහැනුන් හා පිරිමින් තුළ ඇති ලිංගික වෙනස්කම් සැළකිල්ලට ගනු ලබයි. ස්තී‍්‍රය හා පුරුෂයා ඔවුනොවුන් ට ආවේණික ලක්ෂණ අනුව බෙදා දක්වා ඇත.

 

                        පුරුෂ,   සමාජ සත්වයෙක්, ශක්තිමත්, ලිංගික ප‍්‍රහාරකයා, තාර්කිකයි, විශ්ලේෂණකාරී, ඒකීයවාදී, අධික කෝපය, ආවේගකාරීත්වය, පහසුවෙන් සසල නොවේ නායකයා, ප‍්‍රධානියා පවුල් සත්වයෙක් යනුවෙන්ද ස්ති‍්‍රය මුදු මොලොක්, සියුමැලි, ලිංගික පීඩකයා, හැගීම්බරයි, සංස්ලේශිතයි, බහුවිධ, ඉවසිලිවන්ත, දරාගනී පහසුවෙන් සසල වන, යටත්වන්නා, කි‍්‍රයාත්මක කරන්නා යනුවෙන් සමාජය විසින් නිර්මිතයන් සකසා ඇත.

 

                          අද ස්තී‍්‍ර පුරුෂ සමාජ භාවය යන වචනය නිතර ඇසෙයි. නමුත් මේ පිළිබඳ කතා කිරිම ගැහැණුන් විසින් නොකළ යුතුයැයි විටෙක මට සිතේ. ඒ පිළිබඳ කතා කළ සැනින් පිරිමින් කළබලවනු ඇත. ඒ ගැහැණුන් සමතැන් ඉල්ලනවායැයි ඔවුන් ගේ බොළද සිතිවිල්ල නිසාය. සමතැන හෝ රිසි තැන පිළිබඳ කිසිදු ගැටලූවක් නැත. ගැටලූව ඇත්තේ එකිනෙකා විසින් ගොඩනගා ගත් මනෝභාවයන්ගේය. අද හෙට මෙය වෙනස් නොවනු ඇත. ඇට්ටර වු ගල් භූත සිත් අද හෙට පිළිසකර කළ නොහැකිය. නමුත් කාන්තාව වෙනුවෙන් කාන්තාව තනිවට හෝ ළග සිටිය යුතු වේ.

 

ප‍්‍රවීණ සිනමාවේදී ටෝනි රණසිංහ සිය දිවියෙන් සමු ගනී.

 

රසික සමුහයාගේ සිත් සසල කරවමින් ප‍්‍රවීණ සිනමාවේදී ටෝනි රණසිංහ සිය දිවි මගේ හැත්තෑ හත් වෙනි ඉසව්ව පසු කරමින් සිටියදී ජීවිතයෙන් සමුගනී.

ධර්මසිරි වික‍්‍රමරත්න ගේ රන් තෝඩු වේදිකා නාට්‍යයෙන් රංගනයට එක්වූ ටෝනි රණසිංහ ලෙස්ටර් ජේම්ස් පීරිස්ගේ ”ගම්පෙරළිය” තුළින් සිනමාවට පිවිසුණේය. සිනමාව, වේදිකාව මෙන්ම ටෙලි නාට්‍ය ක්ෂේත‍්‍රය තම රංගනයෙන් ප‍්‍රභාවිත කළ ටෝනි රණසිංහ සරසවි, ජනාධිපති සහ ස්වර්ණ සංඛ සම්මාන වලින් අවස්ථා ගණනකදීම පිදුම් ලැබීය. ගඟ අද්දර, රන්සළු, කලියුගය, බද්දේගම, දෙලොවක් අතර, අහසින් පොළවට, හන්තානේ කතාව, දුහුල් මලක්, අවරගිර, පවුරු වළලූ, සප්ත කන්‍යා වැනි චිත‍්‍රපට රැුසක ඔහු දැක්වූ රංගන දායකත්වයට ඉමහත් පේ‍්‍රක්ෂක ප‍්‍රසාදයක් හිමි විය. තවද ටෝනි රණසිංහ මහතා රීදී තිරය, පුංචි තිරය මෙන්ම වේදිකාවට ද සිය දායකත්වය සැපයූ අපුර්ව කලාකරුවෙකි. ඔහු  හරිම බඩු හයක්,බෝඩිම්කාරයෝ, තට්ටු ගෙවල්, නිල් කටරොළු මල්, විරූප රූප යන වේදිකා නාට්‍යවලටද සිය රංගන දායකත්වය ලබාදුන්නේය. තවද විලියම් ශේක්ස්පියර් ගේ මැක්බත්, වැනිසියේ වෙළෙන්දා ,සහ ජුලියස් සීසර් ආදී නාට්‍ය පිටපත් රචනයෙන් ටෝනි රණසිංහ දායක විය.

සම්මානීය කලාකරුවෙකු වූ ටෝනී රණසිංහ මහතා අභාවප‍්‍රාප්ත විය. ඔහු රසික සිත් සන්තානයේ ලැගුම් ගත් ප‍්‍රවීන රංගන ශිල්පියකු, සිනමා හා ටෙලි නාට්‍ය තිර රචකයකු ලෙස ටෝනි රණසිංහ මහතා කලා ක්ෂේත‍්‍රය තුළ දශක ගණනාවක් තිස්සේ කීර්තිමත් කලාකරුවකු ලෙස අමිල මෙහෙවරක් ඉටු කළේ ය.
අනූෂා රාජපක්ෂ

සිනහව අතරින් චිත‍්‍රපටය සාම්ප‍්‍රධායික තරුණ ආදරය වෙනස් කළ අවස්ථාවක්.

 

ඔහු අපිට ආගන්තුකයෙක් නොවේ. නුහුරු නුපුරුදු චරිත දිනෙන් දින හමුව වෙන්ව යයි. ඒ අතර ඔහු සදාතනික මතක පොතේ පිටු පුරවමින් සිටී. දන්නා හඳුනන සනත් ගුණතිලක නන්නාඳුුනන චරිතයන්ගෙන අප වෙත පැමිණියත් ඔහු අප ඇසට නොව සිතට ආමන්ත‍්‍රණය කරයි. අද කලා ඇත්ත සනත් ගුනතිලක මහතා ඇමතුවේ ඒ හුරුපුරුදු බව නිසාමය.
 

රංගන ක්ෂෙත‍්‍රයේ දිගු ගමනක් යෑමට චරිත වෙනුවෙන් සිදු කළ කැප කිරීම හේතු වුණාද?

ඔව්, මම සිනමාවට ආවේ අහම්බෙන්. සිනමාව තුළ ස්ථාවරත්වයක් ඇති කර ගැනීමටයි මට  ඕන වුණේ. ඒ පේ‍්‍රක්ෂකයා තුළ යම් හැගීමක් ඇති කිරීමෙන්. එහෙම නැතිව නළුවෙක් කියලා ආකර්ශනීය පුද්ගලයෙක් හෝ කිසියම් ආකාරයක පෞර්ෂයක් ඇති කරගන්න මට  ඕන වුණේ නෑ. නමුත් මම ර`ගපෑ වාණිජ චිත‍්‍රපට හරහා ඒ ආකර්ශනීයත්වය හා පෞර්ෂය මට ලැබුණා. මම රංගනයට ප‍්‍රවිෂ්ට වුණු කාළේ සිටම මේ තුළ යම් හැදෑරීමක් කළා. එහෙම හැදෑරීමක් කළේ මේ තුළ යම් ඉලක්කයකට යෑමට නෙමෙයි. අහම්ඹෙන් කොළඹට ඇවිල්ලා ජීවත් වෙනකොට මේ තුළ පැවැත්ම හා රැුඳීමට කළ යුතු දේ තියෙනවා. මේ කටයුත්තේ යෙදෙනකොට මම උත්සහ කළේ නෑ මේක වාණිජ චිත‍්‍රපටයක්ද, කලා චිත‍්‍රපටයක් යන්න පිළිබඳව. ලැබෙන හැම චරිතයක්ම හොඳින් කරන්න මම උත්සහ කළා. මම සෑම චරිතයකට ම එක ලෙස කැපකිරීම් කළා. රංගනය අවසන් වී තවත් වැඩකට දුවන පුරුද්දක් මං ළ`ග තිබුනේ නෑ. අපේ ප‍්‍රවීණයන් රංගනය කරන ආකාරය, රූපගතකරන ආකාරය, වේෂ නිරූපණය කරන ආකාරය තුළින් මම යම් හැඳෑරීමක් කළා. සත්තකින්ම මට ලැබෙන සෑම දර්ශන කණ්ඩයක්ම වැදගත්ම දර්ශන කණ්ඩය ලෙස සැලකිමකින් මම රංගනය සිදු කළා. ඒ නිසා මට සිනමා නිර්මාණයේ සෑම දර්ශන කණ්ඩයම වැදගත් වුණා.

විරාගය චිත‍්‍රපටයේ අරවින්දගේ චරිතය වෙනුවෙන් ඔබ කළ කැප කිරීම කතිකාවට ලක් වූණා නේද?

ඔව්, විරාගයේ අරවින්ද සිනමා නිර්මාණය තුළ වෙනස් පුද්ගලයෙක් බාහිරව ඔහු වෙනුවෙන් සිදු කරන කැප කිරිම කෙනෙකුට දකින්න පුලූවන්. ඊට එහා ගිය සමාජ ආර්ථික තත්ත්වයක් සම`ග අරවින්දගේ චරිතය වෙනස් ආකාරයෙන් දර්ශනය විමත් සම`ග ඒ චරිතයේ කැපකිරීම අනෙක් චරිත වලට වඩා පෙනෙන්න පටන් ගත්තා. මගේ පාලම යට, සක්මන් මළුව, සුදු කළුවර වැනි සිදු කළ සෑම නිර්මාණයකදීම මෙන්ම මෑතකදී සිදුකළ සංගිලි සිනමා නිර්මාණය ගත්තත් මගේ කැප කිරීම ඒ ආකාරයටම තියෙනවා.

තාවකාලික පැවිද්ද, ඔබ සිනමා නිර්මාණයක් වෙනුවෙන් කළ කැපකිරිමක්ද?

සාමාන්‍යයෙන් චිත‍්‍රපටයක භික්ෂුවකගේ චරිතයක් වෙනුවෙන් තාවකාලික පැවිද්ද සිදු වෙලා නෑ.  රංගනය කෙසේවෙතත් ඒ පැවිදි වීම, චාරිත‍්‍ර වාරිත‍්‍ර ඉටු කිරීම, ඒ තුළින් ලද ශික්ෂණය, ඒ තුළ සිදු වූ ඉගෙනීම මේ සියල්ල ක‍්‍රමවත් භාවයකට සිදු වුණා. මම සතියක පමණ කාලයක් ඒ සඳහාම කැපවී කටයුතු කළා. ඒ නිසාම ඒ තුළින් මට ලොකු වෙනසක් දැනුනා. එහි කිසියම් ආකාරයක නිදහස් බවක්, සහනයක් තිබුණා. භික්ෂුවක් ලෙස මම මම රංගනය කළේ එක දවසයි. නමුත් ඒ අත්දැකීම මගේ පෞද්ගලික ජීවිතයට විශාල බලපෑමක් සිදු කළා.

රංගන ශිල්පියෙක් ලෙස හුරු පුරුදු ඔබ අධ්‍යක්ෂකවරයාගේ භූමිකාව භාරගත්තේ කොහොමද?

අධ්‍යක්ෂකවරයෙක් විය යුතුමයි කියලා මට හිතුනා නෙමෙයි. අධ්‍යක්ෂකවරයෙක් වෙන්න කළින් මම නිශ්පාදකවරයෙක්, තිර පිටපත් රචකයෙක් වෙනවා. රංගන ශිල්පියෙක් ලෙස තමාගේ රංගනය හා  තවත් පිරිසක් යොදා ගනිමින් කිසියම් ආකාරයක කතාවක් පේ‍්‍රක්ෂකයා වෙත යොමු කිරීමේ ආසාවක් සාමාන්‍ය ලෞකික ආහාවන් ඇති මිනිසෙකුට සිතීම සාමාන්‍ය දෙයක්. ඉතිං ඒක තමයි මම කළේ. ඇත්තටම අධ්‍යක්ෂකවරයෙක් ලෙස තාමත් මම කරපු කාර්යයේ තියෙන බරපතලකම මොහොතකටවත් අඩු කොට සිතන්නේ නෑ.

සිනහව අතරින් චිත‍්‍රපටය සාම්ප‍්‍රධායික තරුණ ආදරය වෙනස් කළ අවස්ථාවක්. මේ කතා තේමාව සකස් වෙන්නේ කුමණ ආකාරයෙන්ද?

ඇත්තටම මේ සත්‍ය සිදුවීමක්. මෙය මට ලබා දෙන්නේ චමින්ද පෙරේරා. මෙය සත්‍ය සිදුවිමක් නිසා මෙහි වෙනස්කම් කිරීම කළ නොහැකියි. මෙහිදී සාමාන්‍ය කතාබහට ලක් වෙන අනියම් සම්බන්ධතා පිළිබඳ කතා වෙනවා. ඒ නිසාම මෙය වරදෙහි බැඳෙන කාන්තාවන් පිළිබඳ කතාකරන චිත‍්‍රපටයක් ලෙස ප‍්‍රකාශ කරනවා. ඇත්තෙන්ම ඒකට දිය හැකි පිළිතු ඔව්. නමුත් ගැහැණුන් වරදෙහි බැඳුණු මුල්ම හෝ අවසාන අවස්ථාව සිනහව අතරින් නෙවෙයි. ඒක සදාතනිකව ලෝකය තුළ සිදු වුණා වූ දෙයක්. මෙම සිනමා නිර්මාණය තුළ මෙම සම්බන්ධකම්, ගැටලූ ප‍්‍රශ්න ඇති වුණේ ඇයි, එයට බලපෑ හේතු මොනවාද?බුදු දහමේ ඇති අල්පේච්ච චීවිතය කොයි ආකාරයෙන්ද? අත්හැරීම සිදු වන්නේ කෙසේද? යනාදිය පිළිපඳ කතා කරනවා. ඒ වගේම කතාව අවසානයේ සියලූ දෙනාම සිදු කළාවූ වැරදි වලින් නිදහස් වන බවක් පේනවා. මෙහිදී සාමාන්‍යයෙන් කෙනෙක් කතා නොකරන, පේ‍්‍රක්ෂකයා යම් බුද්ධිමය සාකච්ඡුාවකට ගෙන යා හැකි බුද්ධිය මෙහෙයවා කතා කළ යුතු සිනමා නිර්මාණයක් ලෙස මම සිනහව අතරින් දකිනවා.

සිනමා ක්ෂේත‍්‍රය තුළ රංගන ශිල්පියෙක් ලෙස දීර්ඝ ඉතිහාසයක් ඇති ඔබ අධ්‍යක්ෂකවරයෙක්, නිෂ්පාදකවරයෙක්, තිර පිටපත් රචකයෙක් ලෙස සිනමාව තුළ තවමත් සකී‍්‍රයව රැදී සිටින්නෙක්. වර්තමාන සිනමා ක්ෂේත‍්‍රය ගැන මොකද හිතෙන්නේ?

සිනමා ක්ෂේත‍්‍රය සකස් විය යුතු ආකාරය කතා කිරීමට දැන් ප‍්‍රමාද වැඩියි. කිසියම් හාස්කමකින් හෝ සිනමා කර්මාන්තය යළි පිඹිදීමක් ඇති වුවහෝත් මම එක්වරට දහස් වාරයක් සතුටු වෙනවා. කිසිදුමප‍්‍රළියමක් නොමැති වීම නිසා දීර්ඝ කාලක් තිස්සේ ක‍්‍රමයෙන් සිදු වුණ හානිය අද පිරවිය නොහැකි ගැඹුරු වලක් බවට පත් වෙලා තියෙනවා. මෙය එකපාරටම පුරවන්න කොහොමත් අමාරුයි. ඒක එකපාරටම වෙන්නෙත් නෑ. නමුත් මේ සිනමා ක්ෂේත‍්‍රයේ සිටින අපි අතර මොන මත භේද තිබුණත් කුමන ආකාරයේ බලවේග වලට යොමු වෙලා සිටියත් අපි ශිල්පීන් ලෙස එකට කටයුතු කරලා සිනමා කර්මාන්තයක්, කලාවක් ලෙස වඩා වර්ධනය කිරීමට කටයුතු කළ යුතුයි. මේ සඳහා රජයෙන් සහයෝගයක්, නව තාක්ෂණය මේ සඳහා අවශ්‍ය අතරම විශාල බලවේගයක් මේ සඳහා අවශ්‍ය ම වෙනවා.

පාට

නැන්දම්මා ලේලි කෝලම බලා අමතක කළ යුතුයි

 

 

ලාංකික රූපවාහීනි කාලාව ආරම්භයත් සමග ම පේ‍්‍රක්ෂක වින්දනය හා රසඥතාවය අරමුණු කරගෙන ටෙලි නාට්‍ය කලාව ද ආරම්භ විය. මුල් කාලීන ටෙලි නාට්‍ය හා ඉන්දීය අනුකාරක සිංහල විත‍්‍රපට අතර පැහැදිලි වෙනසක් දක්නට නොවීය.

1930 දශකය වන විට වර්ධනය වූ මාධ්‍ය ජාලය ගෘහනිය (කාන්තාව  අමතන්නට විය. 1930 ගණන්වල වර්තමානය මෙන් කාන්තාව බහුලව රැකියාවෙහි නිරත වී නැත. සැමියන් රැකියා වලටත් දරුවන් පාසැල් වලටත් ගිය පසු ගෘහනියන් නිවසෙහි හුදෙකලා විය. ඇමරිකාවේ ගුවන් විදුලි සේවා සහ සබන් නිශ්පාදන ආයතන හුදෙකලා වූ කාන්තාවන් ට වින්දනයක් ලබා දීමට නාට්‍ය විශේෂයක් නිර්මාණය කළහ. ඇමරිකාවෙන් ඇරඹි සෝප් ඔපරා නාට්‍ය කලාව පසුව බි‍්‍රතාන්‍ය ප‍්‍රමුඛ සෙසු රටවල ද ජනපි‍්‍රය විය. 1940 දශකයේ දී ඇමරිකා එක්සත් ජනපදය සතිපතා විකාශනය වූ සෝප් ඔපෙරා ගණන 64ක් වූ අතර, 1950 දශකයේ දී මෙම කලාව රූපවාහිනී මාධ්‍යයට ද හඳුන්වාදෙන ලදි. නමුත් අද වන විට මසකට විකාශනය වන ටෙලි නාට්‍ය ගණනය කිරීම අපහසුය. දිනෙන් දින නව ටෙලි නාට්‍ය බිහිවෙමින් පවති. දේශීයව නිපදවන ටෙලි නාට්‍ය මෙන්ම විදෙස් රටවලින් ගෙන්වා හඩකවන ලද ටෙලි නාට්‍යයද මේ අතර වැදගත් වේ. මේ දිනවල විකාශනය වන හඩකවන ලද ටෙලි නාට්‍ය අතර සප්නා, මේ ආදරයයි, ජෝදා අක්බාර්, මහා භාරත්, ශී‍්‍ර ගෞතම සිද්ධාර්ථ, අශෝක ආදිය වැදගත් වේ. මෙහි බහුතරයක් ඓතිහාසික රැල්ල නියෝජනය කරයි. ඒ අතර මේ ආදරයයි ටෙලි නාට්‍ය, දියුණු වූ ඉන්දියාව රුපයට නගයි. නමුත් සප්නා සංස්කෘතිය තුළ හුදෙකලා ගමනක් යයි.

සප්නා ටෙලී නාට්‍ය තම 500වන කොටස පසු කරමින් සිටියි. සප්නා ගේ සිහිනයටත් දින 500ක් ගෙවී ඇත. ලාංකික කතුන්ගේ සිහිනය සප්නාගේ සිහිනය සැබැ කර දිමය. ඔවුන් ඒ වෙනුවෙන් දින 500ක් එකම අරමුණක සප්නා දෙස බලා සිට ඇත. සැබැවින්ම මේ සිදු වන්නේ කුමක්ද? නැන්දම්මා ලේලී අරගලයට නිමාවක් නැද්ද? දුවක විවහයෙන් පසු පිවිසෙන නව නිවසේ සිටින මවට, ඇය තමන්ගේම දියණියක් ලෙස පිළිගෙන ඇයට ද මවක් විය නොහැකිද? සප්නා හී ප‍්‍රධාන කාන්තා චරිත කිහිපයකි. ඒ සන්තුෂ්(සප්නාගේ නැන්දම්මා, සප්නා, මීනා, එමලී, ඡාවී, චතුරි යන පිරිසයි. මේ අතර සප්නා, මීනා, එමලී මේ නිවසට ආගන්තුක තරුණියන්ය. තිදෙනාම එම නිවසේ යේලියන්ය. නැන්දම්මා හා මොවුන් අතර තිබෙන ගණුදෙනුව මේ කතාව පුරාවට දිස්වේ. සප්නා පොලිස් නිලධාරිනියක් වීමේ සිහිනයක් දුටු අයෙකි. ඇය කුඩා කළ සිට දුටු මේ සිහිනය තම සැමියාගේ නිවසේදී සුණු විසුණු වී යන සැටි ඇය සාම්ප‍්‍රධායික කාන්තාව  වෙනස් කිරිමට කළ උත්සහයන් ව්‍යර්ථයන් වී යන සැටිත් අප බලා සිටින්නට විය. අවසානයේ ඇයගේ එකම ගැලවුම වූයේ ඉතිරී වූ හිස් කළය පමණකි. විවිධ පරීක්ෂාවන්, සිරිත් විරිත්, සංස්කාතිය ඇය පසු පස යයි.

ඉන්දීය ටෙලි නාට්‍ය ලාංකික අපිට ආගන්තුක නැත. ශාන්ති, තුල්සී, ප‍්‍රවීනා, චිත්ති තවමත් අප සමාජයේ සැරිසරයි. තුල්සි ගස, මුදු, සාරි, ඒ ආකෘතියට එක පිට එක බිහි වූ දීර්ඝ ටෙලි නාට්‍ය රැල්ල ලාංකිකක අනුකරණයන්ය. සතියේ දින 05ක් ලාංකික මව්වරුන්, දියණියන්, ලේලියන් හා පියවරු, පුතුන් එකට එකතු වී සප්නා නරඹයි. මෙහි නිරන්තරයෙන් දකින්නට ලැබෙන කිකරු ලේලීය, නැන්දම්මාගේ ආධිපත්‍ය ලාංකික කතුන්ට මහත් ආශ්වාදයක් සපයයි. රූපවාහිණි තිරය මත වන සුන්දර ඇඳුම, ආකර්ශනීය කතා විලාශය, හැඩකාර ගමන අනුකරණය කළ අපේ කාන්තාව, අපේ මව්වරු මේ නැන්දම්මා ලේලි කෝලම බලා අමතක කරන්නේ නම් එය ඉතා යහපත් කරුණකි.

ලාංකික සමාජය තුළ කාන්තාවන් රැකියා කරයි. ඇය වෘත්තීය තත්ත්වය තුල යම් ස්ථාවරයන් ගොඩනගා ගනිමින් සිටී. සංස්කෘතික සිමාව තුළ සීමා මායිම් පැවතුනද එය සප්නා හී පෙන්වන තත්ත්වය තරම්ම නොවෙයි. අද අපේ නැන්දම්මා තම ලේලීයට සලකයි. ඇය පුතාමෙන් නිවසේ කටයුතු සඳහා කරනු ලබන සම කැපවිම දෙස උපේක්ෂාවෙන් බලයි. එදා අපේ සමාජයේ ගොඩනැගුණ නිර්මිතයන් බිද දැමීමට අවැසි වූවේද ලාංකික මවටයි. එදා සංස්කෘතික සාහිත්‍ය තුළ වූ,
 

කන්න රස අහර තද බඩගින්න                වෙත
නින්දට යහනාව තද නිදිමතට                  ඇත
නැන්දයි ලේලියි වගේ ඉන්නේ               නැත
නැන්දට ලේලී කොතැනැත් පැවතුනේ    නැත
 

වැනි නිර්මිතයන් අද බුද්ධියෙන් විමසමින් වෙනස් කරමින් සිටී. රූපවාහිනිය ඇස පිනවයි. සිත සතුටු කරයි. නමුත් එය අපේ යහපත් පරිවර්තනයන්ට යළි කණකොක් සේයා නොපෙන්වන්නේ නම් එය ඉතා වටී. ලාංකික කාන්තාව සංවර්ධනයට දායක වෙයි. අද ලාංකික කාන්තාව මුදල් උපයමින් නිවසේ කටයුතු වලට සැමියා හා සම සහයිකාවක් ලෙස කටයුතු කරයි. සංවර්ධනය තුළ ස්තී‍්‍ර පුරුෂ සමාජභාවය හා සංවර්ධනය වර්තමාන භාවිතයේ පවතින ඉතාම සමාන යෙදුම් දෙකකි. එකක් වෙනුවෙන් අනෙක ආදේශ කරමින් භාවිත කිරිමේ හැකියාව ඇති මෙම යෙදුම් දෙකෙහි සැලකිය යුතු තරම් වෙනසක් නොමැත.
 

අන්ධයෝ, ගොළුවන් හා බිහිරන් මැද රාටි පවුලේ සිටින්නේ සිහිකලූපනාව තියෙන එකම එක්කෙනෙකි. ඒ සන්තුෂ් පමණකි. මෙම පවුලේ සියලූ තීරණ ගනු ලබන්නේ මවයි. ස්පනා යනු ඉන්දීය සාම්ප‍්‍රධායික චින්තනයට පොලූ පහරකි. ඇය රාටි පවුලේ සෙසු අයට වඩා ඉඳිරියෙන් සිතයි. ඉඳිරියෙන් කි‍්‍රයා කරයි.
 

සප්නා ලාංකික කතුන් නරඹන්නේ ඇයි? මේ සඳහා හේතු මොනවාද? මේ ප‍්‍රශ්නය ඇසූ විට දුන් පොදු පිළිතුරු කිහිපයකි. ඔවුන්ගේ ඇඳුම් හරිම ලස්සනයි.  දැන් ඒක බලන්නම  ඕන වගේ, ඒක පවුලේ කතාවක්. ඒ රුප, සිද්ධි, වර්ණ හරිම ආකර්ශනීයයි. මෙහි කතුන් නින්දට යන්නේද සියලූ ආභරණ හිස පළඳනා සහිතවය. ටෙලි නාට්‍ය අහිංසක අසරණ මිනිසුන්ගේ හා ගැහැණුන්ගේ ආශාවන්ට තාවකාලික තෘප්තියක් ලබා දෙයි. මෙම චරිත සබෑ ලෝකයෙන් වෙන්ව පවතී. සැබෑවට බහෝ දුරින් ඇති මේ චරිත හා සිද්ධි ලාංකික චින්තනයට හෝ චර්යාවට අයහපත් බලපැමක් සිදු කරන්නේ නම් එය මහත් වූ අභාග්‍යයකි. 500 වන දින ගත වන විටත් සප්නා තම ඒකායන සිහිනයේ සිටියි. දැන් සුරාජ් අලූත් කෝලමක් ආරම්භ කර ඇත. ඒ සප්නාගේ පොලිස් කොලම රග දැක්වීමට උදව් කිරීමය. කාලයෙන් කාලයට සාත්තරකාරයෝ, මරාගෙන මැරෙන බෝම්බකරුවන්, නළුවෝ රාටී නිවසට ඇවිත් ඇවිත් යයි. අපි තව තවත් හරි බරි ගැසී සප්නා වෙනුවෙන් කාලය වෙන් කරයි. නමුත් සප්නා මේ කපේදි පොලීසියට නොයනු ඇත. නරඹන ඔබට ඒ හීනෙන් ගැලවීමක් ලැබෙන්නේද නැත.
 

අනූෂා රාජපක්ෂ

 

පාට නොකරපු කතාව

අහිමි වූ දහසක් අතර
අහිමි වූ වර්ණ රහිත
හැගීම් විරහිත
මහ කාලකන්ණි
සුදු වර්ණයට
මම
සාප කළෙමි
කුඩා කළ බිය වූ
කළු වර්ණය තුළ
ඇති සැකය හා ත‍්‍රාසය
අද ද මා බිය ගන්වයි
නිමක් නැති ආශා
සැගව ගත් ලෝ
චරිත නම් වෙස්මූණ
පැළඳ ඇත
පාට පාට චරිත අතර ඇති
කළු සුදු පාට
පාට
වෙන් කරා වී
හරි අපූරුවට
        පාට ඔබේ සෑම පාටකටම අමතාවී ඉඳිරියටත්

මෙගා නාට්‍යයකට රිංගා ගත්තොත් කොහොමහරි ජීවත් වෙන්න පුලූවන්

 

කලාව ට හිමිකරුවන් නැත. අයිතිකරුවන් නැත. අයිතිකරුවන් හිමිකරුවන් නැති කලාව තුළ අත්කර ගැනීම් විටින් විට ඇති වේ. ඒ කලාව සරසන නිර්මාණ තුළින්. ඇස පිනවන රූප නිතර හමු වී මැකී යයි. සිතන්නට යමක් එකතු කළ රූප සදා මතකයේ රැදේ. ඒකාකාරීත්වය අතර නව්‍යකරණයන් සොයා යන මිනිසුන් නිතර හමු නොවෙයි. ලලිත් රත්නායක ඒකාකාරීත්වය අතර නව්‍යකරණයන් සොයා යන කලා කරුවෙකි. ”තෙත් සහ වියලි” ටෙලි නාට්‍යයෙන් රසික ප‍්‍රජාව හඳුනාගනු ලබන ඔහු ”අරුංගල්” තුළින් රසික සිත් සියුම් ලෙස ස්පර්ශ කළ බව සැබැවකි. මේ ලලිත් රත්නායක මහතා සමග කළ සංවාද සටහනයි.

ඔබගේ නිර්මාණයන් හි ඔබ දකින සුවිශේෂීත්වය කුමක්ද?

මම හිතන ආකාරයට අපේ නිර්මාණ තුළ යම් විශ්වීය බවක් තිබිය යුතුයි. මම නිර්මාණ කරන්නේ හුදෙක් රසාස්වාදය පිණිස ම නෙමෙයි. පේ‍්‍රක්ෂකයා තුළ  හැගිම් දැනීම් ඇති වන ආකාරයට නිර්මාණ බිහි කිරිම මගේ ස්වරුපයයි. මම හිතන ආකාරයට මගේ නිර්මාණ වල ගැඹුරු දහමක් තියෙනවා. ඒ  මනුෂ්‍යත්වය පිළිබඳවයි.

ඔබගේ නිර්මාණවල භාවිත වන වර්ණ තුළ යම් ඒකාකාරී බවක් තියෙනවා. එයට යම් හේතුවක් තියෙනවාද?

මම මැරුණු වර්ණ වලට කැමති මනුස්සයෙක්. අද ගොඩක් වර්ණවත් නිර්මාණ බිහි වෙන්නේ. වර්ණ සැකසීමේදීත් ඔවුන් හැකිතාක් ඒ නිර්මාණ වර්ණවත් කරනවා. නමුත් මම කැමති කතාවට හා චරිතවලට මුල් තැනක් දෙන්න. ඒ සඳහා පසුබිමේ තියෙන වර්ණ අඩු කිරීමට. අද තාක්ෂණයේ දියුණුව දෙස බලන කොට ”තෙත් හා වියලි” ටෙලි නාට්‍ය කළේ අඩු පහසුකම් තියෙන පහළ මට්ටමේ කැමරාවකින්. එහිදී අපි කළේ කැමරාවේ වර්ණ අඩු කිරීම. ”අරුංගල්” ටෙල් නාට්‍ය සිදු කලෙත් මේ අකාරයට. අද තාක්ෂණය දියුණුයි ඒ නිසා අපි ඒ කාර්ය සිදු කරන්නේ පටිගත කිරීමෙන් අනතුරුව. මගෙ අලූත් නිර්මාණයේ වර්ණ පෙර නිර්මාණයේ මෙන් නොවේ. නමුත් එහිත් යම් වර්ණ අඩු වීමක් දක්නට ලැබෙනවා. වර්ණයෙන් විශාල වෙනසක් කරන්න පුලූවන්. රෝස පාට ඇදුමකින් සැරසුන ගැහැණු ළමයා හැඞීම හා සුදු පාට ඇදුමකින් සැරසුණු ගැහැණු ළමයා හැඞීම දර්ශනය වෙන්නේ දෙයාකාරයකටය. එහි වෙනසක් තියෙනවා.

අද බිහිවෙන ටෙලි නාට්‍ය ගැන මොකද හිතෙන්නේ?

මම ටෙලි නාට්‍ය බලන්නේ නෑ. කැමරාවක් ඉඳිරියට විත් යම් නළු නිළි පිරිසක් දෙබස් කීම ටෙලි නිර්මාණයක් කියලා තමයි අද නිර්මාණ කරන අය හිතන්නේ. මුල් කාලීනව පේ‍්‍රක්ෂකයින් ටෙලි නාට්‍ය වැළදගන්නේ එය සිනමා නිර්මාණයක් තරම් ම වැදගත් දෙයක් ලෙසයි. ඒ නිසාම මුල් කාලයේ ටෙලි නාට්‍ය නිර්මාණය ට ලොකු කැපවීමක් කළා. අද වන විට ඒ කැප කිරීම කරන්නේ ඉතා සුළු පිරිසක්. අතලොස්සක් තරම් සුළු පිරිසක් පමණයි, මේ තුළ යම් හරයක් සොයමින් යන්නේ. හොද නිර්මාණයක් කිරීමට ලොකු මුදලක් වැය වෙනවා. මම ටෙලි නාට්‍ය වලින් ජීවත් වෙන කෙනෙක් නෙමෙයි. ටෙලි නාට්‍ය 03ක් කරලා මනුස්සයකුට ජීවත් වෙන්නත් බෑනේ. අද තියෙන ලොකුම ගැටලූව තමයි ලොකු වියදමක් දරමින් සිදු කරන නිර්මාණ විකුණා ගැනීමට නොහැකි වීම. නාලිකාවලිනුත් ලාබය ගැනයි බලන්නේ. නමුත් හොඳ නිර්මාණයක් වෙනුවෙන් මේ අතර නාලිකා යම් ඉඩක් වෙන් කරන අවස්ථාවලදි ලැබෙන අවස්ථාව විතරයි ඉතිරිව තියෙන්නේ. ඇත්තම කතාව හොඳ ටෙලි නාට්‍යයක් කරලා කොහොමත් ජීවත් වෙන්න බෑ. ඔන්න මෙගා නාට්‍යයකට රිංගා ගත්තොත් කොහොමහරි ජීවත් වෙන්න පුලූවන්.

සම්මාන උළෙලවල්  ගැන මොකද හිතෙන්නේ?

මුල් කාලයේ සම්මාන උළෙලවල් දෙස බලාගෙන හිටියා. දැන් අපි ඒ උළෙලවල් නියෝජනය කරනවා. සත්තකින්ම මේ විනිශ්ච මණ්ඩලයේ සැකැස්ම යම් කිසි ක‍්‍රමයකට අනුව සිදු විය යුතු දෙයක්. මේ කලාව පිළිබඳ යම් හැගීමක් මේ විනිශ්ච මණ්ඩලය සතු විය යුතුයි. නිවැරදි සුදුසු විනිශ්ච මණ්ඩලයක් සිටින අවස්ථාවන් හී මේ තත්ත්වය ලොකු වෙනසකට ලක් වෙනවා. සාධාරණ නිවැරදි විනිශ්චයන් ඉන් ලැබෙනවා. මම කරපු නාටය දෙකෙන්ම මම දැනට සම්මාන ලබා ගෙන තියෙනවා. ”තෙත් සහ වියලි” ටෙලි නාට්‍යයට සම්මාන 26ක් ලබා ගත්තා. ඒ වාර්තාව මම විසින්ම බිද දමමින් ”අරුංගල්” ටෙලි නාට්‍යයට සම්මාය 44ක් ලබා ගත්තා. මම හිතන ආකාරයට දැනට ඒ වාර්ථාව කවුරුත් බිද දමා නෑ. අහිමි වීම් හිමි වීම් අතර සම්මාන උළෙලවල් හී ගැටලූ අත්විදි කෙනෙක් මම.

”අරුංගල්” ටෙලි නාට්‍යයෙන් පසු කළ නව නිර්මාණ මොනවාද?

මගේ අලූත්ම නිර්මාණය තමයි ”වන් වේ”. මෙහි මූලිකම තේමාව මානසික රෝගයක්. මෙහිදී පශ්චාත් ව්‍යසන ක්ලමතය පිළිබඳව කථිකාවට ලක් වෙයි. ලෝකයේ මෙන් ම ලංකාවේ ද මෙම රෝගයට ලක් වූ සෙබලූන් බහුලව දැකිය හැකියි. අපේ රටේත් මේ රෝගයට ගොදුරු වූ පිරිස් බහුලව ඉන්නවා. මේ නාට්‍ය තුළ මනෝ වෛද්‍යවරයෙක් ට යුද්ධ කාලයේ හමුවන රෝගීන් 03දෙනෙක් ඉන්නවා. මින් එක් රෝගියෙක් යුධ හමුදා සෙබලෙක් වන අතර අනෙක් රෝගියා LTTE සමාජිකයෙකි. අනෙක් රෝගියා යුද්ධයෙන් පීඩාවට පත් වූ ගමක සාමාන්‍ය වැසියෙකි. එකම රෝහලක ප‍්‍රතිකාරගනු ලබන මේ තිදෙනා වටා කතාව ගොඩනැගී ඇත.

මේ නිර්මාණයට දායක වෙන්නේ අලූත් චරිතද?

ඔව්. මේ  නිර්මාණයට ගොඩක් වේදිකා නාට්‍ය ශිල්පීන් දායක වෙනවා.

මෙවැනි නිර්මාණයක් කිරීමට මූලික වූ යම් හේතුවක් තියෙනවද?

මගේ සහෝදරයෙක් ඉන්නවා මනෝ වෛද්‍ය වරයෙක්. එයාගේ හැඩය චෛතසිකයන් ගොඩක් වෙනස්. එයාගේ ප‍්‍රතිරූපය මෙන්ම පසු කාලීනව මෙම රෝගය පිළිබඳව මම කළ පරීක්ෂණ, නිරීක්ෂණත් එක්ක මට යම් අදහසක් තිබුණා.

මම හිතන්නේ මගේ නිර්මාණවල මට ම ආවේණික වුණ යම් රිද්මයක් තියෙනවා. ඒකට කැමති පිරිසක් ඉන්නවා. ඒ වගේම මගේ නිර්මාණවලට පි‍්‍රය නොකරණ පිරිසකුත් ඉන්නවා. වේග රිද්ම ගී අහන්න පුරුදු වූ පිරිසකට අමරදේව මහත්තයාගේ ”සඳ ගත් පිණි දිය” ගීත අහන්න බෑ. ඒ  ගීතය අහන්න මැඩපවත්වාගත් හික්මීමක් තියෙන්න  ඕන. මම හිතන්නේ මගේ නිර්මාණවලටත් පුරුදු වූ යම් පිරිසක් ඉන්නවා කියලා.

අලූත් නිර්මාණය පේ‍්‍රක්ෂකයා භාර ගනීවිද?

අලූතින් කළ නිර්මාණය මගේත් අලූත් වැඩක්. ඒක කොයි විදිහට පේ‍්‍රක්ෂකයා භාර ගනීවිද දන්නේ නෑ. තව ටික දවසකින් මේ නිර්මාණය ජනතාවට සමීප වෙයි.